تو نے اے ہم سفر پھیر لی جو نظر وقت سے پیشتر ہم تو مر جائیں گے

تو نے اے ہم سفر پھیر لی جو نظر وقت سے پیشتر ہم تو مر جائیں گے

ظلم ایسا نہ کر کچھ خدا سے تو ڈر تیرے دیوانے آخر کہاں جائیں گے

جسم سے روح تو سو گئی ہے اس طرح زندہ سے کیا فائدہ

با خدا ہم ترے عشق میں دل ربا موت کے گھاٹ اک دن اتر جائیں گے

جس قدر دے سکو دو ہمیں رنج و غم اف کریں گے نہ ہرگز خدا کی قسم

تم نہیں جانتے ایسا سونا ہیں ہم آگ میں اور تپ کر نکھر جائیں گے

قتل کرنے کا تجھ کو بڑا شوق ہے اور ہم کو شہادت کا ارمان ہے

ہم تری بزم میں جائیں گے گر کبھی تو ہتھیلی پہ لے کر یہ سر جائیں گے

ہم شرابی ہیں لیکن بڑے ڈھیٹ ہیں کوئی روکے تو ہرگز رکیں گے نہ ہم

پی کے جائیں گے ساقی تری بزم سے ورنہ دہلیز پہ تیری مر جائیں گے

بادہ نوشی نہ کیجیے مرے مہرباں بات سن لیجیے مری تابشؔ میاں

پیجیے تو ذرا سوچ کر پیجیے آپ کے ورنہ کپڑے اتر جائیں گے