hai dalil-e-kullo-nafsin sab fana ho jaenge

hai dalīl-e-kullo-nafsin sab fanā ho jā.eñge

ham bhī ik din rāhī-e-mulk-e-baqā ho jā.eñge

qabr hī tak saath deñge dostān-e-be-riyā

daab kar miTTī meñ sab pyāre judā ho jā.eñge

haath ḳhālī jā.eñge duniyā se daulat chhoḌ kar

maal ke mālik 'azīz-o-aqribā ho jā.eñge

pahlavān kyā kar rahe haiñ jism ke aa'zā pe naaz

qabr meñ kiiḌe makoḌe kī ġhizā ho jā.eñge

jiite jī kuchh kaam kar lo āḳhirat kā ġhāfilo

marte dam be-kār saare dast-o-pā ho jā.eñge

ho ga.e aulād se maañ baap gar mar kar judā

ḳhuld meñ ai dosto sab ek jā ho jā.eñge

dekh kar marqad meñ 'tāhir' sarvar-e-dīñ kā jamāl

'āshiq-e-jāñ-bāz qadmoñ par fidā ho jā.eñge

hai dalil-e-kullo-nafsin sab fana ho jaenge

hum bhi ek din rahi-e-mulk-e-baqa ho jaenge

qabr hi tak sath denge dostan-e-be-riya

dab kar miTTi mein sab pyare juda ho jaenge

hath KHali jaenge duniya se daulat chhoD kar

mal ke malik 'aziz-o-aqriba ho jaenge

pahlawan kya kar rahe hain jism ke aa'za pe naz

qabr mein kiDe makoDe ki ghiza ho jaenge

jite ji kuchh kaam kar lo aaKHirat ka ghafilo

marte dam be-kar sare dast-o-pa ho jaenge

ho gae aulad se man bap gar mar kar juda

KHuld mein ai dosto sab ek ja ho jaenge

dekh kar marqad mein 'tahir' sarwar-e-din ka jamal

'ashiq-e-jaan-baz qadmon par fida ho jaenge