tamanna hai ki har dam teri surat dekhte rahte

tamannā hai ki har dam terī sūrat dekhte rahte

tū hotā sāmne ham tā qayāmat dekhte rahte

kiyā sajde meñ lā kar mujh ko kis ne kushta-e-hairat

jo hote but-kade meñ haq kī qudrat dekhte rahte

ġhulām un kā huuñ phir kyūñ-kar na mujh ko baḳhsh dete vo

vo kin āñkhoñ se baiThe merī zillat dekhte rahte

tapāñ ham ḳhud na hote beach meñ aur un kī āñkhoñ se

lagā.e TakTakī vo pyārī sūrat dekhte rahte

tamanna hai ki har dam teri surat dekhte rahte

tu hota samne hum ta qayamat dekhte rahte

kiya sajde mein la kar mujh ko kis ne kushta-e-hairat

jo hote but-kade mein haq ki qudrat dekhte rahte

ghulam un ka hun phir kyun-kar na mujh ko baKHsh dete wo

wo kin aankhon se baiThe meri zillat dekhte rahte

tapan hum KHud na hote beach mein aur un ki aankhon se

lagae TakTaki wo pyari surat dekhte rahte