KHayal-e-ghair se jab tumko ijtinab nahin

ḳhayāl-e-ġhair se jab tum ko ijtināb nahīñ

tumhāre paas vo yuuñ aate be-hijāb nahīñ

jo piinā chāhtā hai pī le mai-e-mohabbat ko

nafīs is se jahāñ meñ koī sharāb nahīñ

ye ahl-e-zohd phir us ke maze ko kyā jāneñ

unhoñ ne terī mohabbat kī pī sharāb nahīñ

tirī vo shān-e-karīmī ki jis kī koī had hī nahīñ

mire gunāh bhī itne ki kuchh hisāb nahīñ

aur tujh ko dekhe koī ḳhud se gar judā ho kar

abad tak us ko phir andesha-e-'azāb nahīñ

paḌhā.ī shaiḳh ne jab se mujhe bayāz-e-vajūd

'asad' nazar meñ jamī phir koī kitāb nahīñ

KHayal-e-ghair se jab tum ko ijtinab nahin

tumhaare pas wo yun aate be-hijab nahin

jo pina chahta hai pi le mai-e-mohabbat ko

nafis is se jahan mein koi sharab nahin

ye ahl-e-zohd phir us ke maze ko kya jaanen

unhon ne teri mohabbat ki pi sharab nahin

teri wo shan-e-karimi ki jis ki koi had hi nahin

mere gunah bhi itne ki kuchh hisab nahin

aur tujh ko dekhe koi KHud se gar juda ho kar

abad tak us ko phir andesha-e-'azab nahin

paDhai shaiKH ne jab se mujhe bayaz-e-wajud

'asad' nazar mein jami phir koi kitab nahin