jab se main ramz-e-anal-haq se KHabar-dar hua

jab se maiñ ramz-e-anal-haq se ḳhabar-dār huā

dīn-o-īmāñ se gayā aap se be-zār huā

sirf muusā hī nahīñ diid se haiñ sab mahrūm

aaj tak kis ko khulā aap kā dīdār huā

jis ne sūñghī nahīñ duniyā meñ kabhī bū-e-vujūd

dām-e-ulfat meñ vo phir kis ke giraftār huā

chashm-e-maigūñ ne tirī kar diyā sarshār jise

phir vo be-ḳhud huā aisā ki na hoshiyār huā

laa.eñ īmān kabhī haq pe vo mumkin hī nahīñ

apnī hastī kā 'asad' jin ko na iqrār huā

jab se main ramz-e-anal-haq se KHabar-dar hua

din-o-iman se gaya aap se be-zar hua

sirf musa hi nahin did se hain sab mahrum

aaj tak kis ko khula aap ka didar hua

jis ne sunghi nahin duniya mein kabhi bu-e-wujud

dam-e-ulfat mein wo phir kis ke giraftar hua

chashm-e-maigun ne teri kar diya sarshaar jise

phir wo be-KHud hua aisa ki na hoshiyar hua

laen iman kabhi haq pe wo mumkin hi nahin

apni hasti ka 'asad' jin ko na iqrar hua