tere dar ke faqir hain hum log

tere dar ke faqīr haiñ ham log

kyā amīr-o-kabīr haiñ ham log

donoñ aalam kī qaid se āzād

ek tere asiir haiñ ham log

husn-o-ḳhūbī meñ be-misāl haiñ aap

ishq meñ be-nazīr haiñ ham log

dil meñ rakhte haiñ chāñd sī sūrat

kyā hī raushan-zamīr haiñ ham log

sar-barahna 'zahīn'-e-ḳhāk-nashīñ

ahl-e-tāj-o-sarīr haiñ ham log

tere dar ke faqir hain hum log

kya amir-o-kabir hain hum log

donon aalam ki qaid se aazad

ek tere asir hain hum log

husn-o-KHubi mein be-misal hain aap

ishq mein be-nazir hain hum log

dil mein rakhte hain chand si surat

kya hi raushan-zamir hain hum log

sar-barahna 'zahin'-e-KHak-nashin

ahl-e-taj-o-sarir hain hum log