tere naz mein wo asar kahan jo asar mere niyaz mein

tere naaz meñ vo asar kahāñ jo asar mere niyāz meñ

tere husn meñ vo taḌap kahāñ jo taḌap hai mere gudāz meñ

ye kamāl hai ye tilism mire ishq-e-sho.abada-bāz meñ

na kashish rahī tere husn meñ na asar rahā tire naaz meñ

mujhe aish-o-ġham meñ ġharaz nahīñ agar aarzū hai to hai yahī

ki umañg ban ke chhupā rahe koī dil ke parda-e-rāz meñ

terī barq-e-husn ne kyā kiyā ki miTā dī lazzat-e-zindagī

na rahīñ vo pahlī harārateñ mere dil ke soz-o-gudāz meñ

maiñ jo rehn-e-yād-e-butāñ rahā mujhe zindagī kā mazā milā

ki chhupī haqīqat-e-ishq hai isī kā.enāt-e-majāz meñ

tere naz mein wo asar kahan jo asar mere niyaz mein

tere husn mein wo taDap kahan jo taDap hai mere gudaz mein

ye kamal hai ye tilism mere ishq-e-shoabada-baz mein

na kashish rahi tere husn mein na asar raha tere naz mein

mujhe aish-o-gham mein gharaz nahin agar aarzu hai to hai yahi

ki umang ban ke chhupa rahe koi dil ke parda-e-raaz mein

teri barq-e-husn ne kya kiya ki miTa di lazzat-e-zindagi

na rahin wo pahli hararaten mere dil ke soz-o-gudaz mein

main jo rehn-e-yaad-e-butan raha mujhe zindagi ka maza mila

ki chhupi haqiqat-e-ishq hai isi kaenat-e-majaz mein