تیرے ناز میں وہ اثر کہاں جو اثر میرے نیاز میں

تیرے ناز میں وہ اثر کہاں جو اثر میرے نیاز میں

تیرے حسن میں وہ تڑپ کہاں جو تڑپ ہے میرے گداز میں

یہ کمال ہے یہ طلسم مرے عشق شعبدہ باز میں

نہ کشش رہی تیرے حسن میں نہ اثر رہا ترے ناز میں

مجھے عیش و غم میں غرض نہیں اگر آرزو ہے تو ہے یہی

کہ امنگ بن کے چھپا رہے کوئی دل کے پردۂ راز میں

تیری برق حسن نے کیا کیا کہ مٹا دی لذت زندگی

نہ رہیں وہ پہلی حرارتیں میرے دل کے سوز و گداز میں

میں جو رہن یاد بتاں رہا مجھے زندگی کا مزا ملا

کہ چھپی حقیقت عشق ہے اسی کائنات مجاز میں