hum teri rah mein miT jaenge socha hai yahi

ham tirī raah meñ miT jā.eñge sochā hai yahī

dard-mandān-e-mohabbat kā tarīqā hai yahī

aap hoñ pesh-e-nazar ruuh jo tan se nikle

ai mirī jaañ mirī āñkhoñ kī tamannā hai yahī

ho gayā aam mohabbat kā merī afsāna

ab to jis bazm meñ jā baiThe charchā hai yahī

kūcha-e-yār meñ kho jaane ko ham aa.e haiñ

rāsta marhala-e-ishq kā sīdhā hai yahī

dil meñ allāh kā ghar āñkhoñ meñ hazrat kā jamāl

merā ka.aba hai yahī merā madīna hai yahī

bahr-e-zaḳhḳhār-e-mohabbat kī nahīñ miltī thaah

jis meñ ham Dūbne vaale haiñ vo dariyā hai yahī

ġhaur se qatre kī jānib jo nazar kī to khulā

ham use qatra ġhalat samjhe the dariyā hai yahī

hai tavakkul mujhe allāh par apne 'akbar'

jis ko kahte haiñ bharosa vo bharosā hai yahī

hum teri rah mein miT jaenge socha hai yahī

dard-mandan-e-mohabbat ka tariqa hai yahī

aap hon pesh-e-nazar ruh jo tan se nikle

ai meri jaan meri aankhon ki tamannā hai yahī

ho gaya aam mohabbat ka meri afsana

ab to jis bazm mein ja baiThe charcha hai yahī

kucha-e-yar mein kho jaane ko hum aae hain

rasta marhala-e-ishq ka sidha hai yahī

dil mein allah ka ghar aankhon mein hazrat ka jamal

mera kaba hai yahī mera madina hai yahī

bahr-e-zaKHKHar-e-mohabbat ki nahin milti thah

jis mein hum Dubne wale hain wo dariya hai yahī

ghaur se qatre ki jaanib jo nazar ki to khula

hum use qatra ghalat samjhe the dariya hai yahī

hai tawakkul mujhe allah par apne 'akbar'

jis ko kahte hain bharosa wo bharosa hai yahī