mere rashk-e-qamar tu ne pahli nazar jab nazar se milai maza aa gaya

mere rashk-e-qamar tū ne pahlī nazar jab nazar se milā.ī mazā aa gayā

barq sī gir ga.ī kaam hī kar ga.ī aag aisī lagā.ī mazā aa gayā

jaam meñ ghol kar husn kī mastiyāñ chāñdnī muskurā.ī mazā aa gayā

chāñd ke saa.e meñ ai mire sāqiyā tū ne aisī pilā.ī mazā aa gayā

nashsha shīshe meñ añgḌā.ī lene lagā bazm-e-rindāñ meñ sāġhar khanakne lagā

mai-kade pe barasne lagīñ mastiyāñ jab ghaTā ghir ke aa.ī mazā aa gayā

be-hijābāna vo sāmne aa ga.e aur javānī javānī se Takrā ga.ī

aañkh un kī laḌī yuuñ mirī aañkh se dekh kar ye laḌā.ī mazā aa gayā

aañkh meñ thī hayā har mulāqāt par surḳh 'āriz hue vasl kī baat par

us ne sharmā ke mere savālāt pe aise gardan jhukā.ī mazā aa gayā

shaiḳh-sahab kā īmān bik hī gayā dekh kar husn-e-saqī pighal hī gayā

aaj se pahle ye kitne maġhrūr the luT ga.ī pārsā.ī mazā aa gayā

ai 'fanā' shukr hai aaj bād-e-fanā us ne rakh lī mire pyaar ki aabrū

apne hāthoñ se us ne mirī qabr pe chādar-e-gul chaḌhā.ī mazā aa gayā

mere rashk-e-qamar tu ne pahli nazar jab nazar se milai maza aa gaya

barq si gir gai kaam hi kar gai aag aisi lagai maza aa gaya

jam mein ghol kar husn ki mastiyan chandni muskurai maza aa gaya

chand ke sae mein ai mere saqiya tu ne aisi pilai maza aa gaya

nashsha shishe mein angDai lene laga bazm-e-rindan mein saghar khanakne laga

mai-kade pe barasne lagin mastiyan jab ghaTa ghir ke aai maza aa gaya

be-hijabana wo samne aa gae aur jawani jawani se Takra gai

aankh un ki laDi yun meri aankh se dekh kar ye laDai maza aa gaya

aankh mein thi haya har mulaqat par surKH 'ariz hue wasl ki baat par

us ne sharma ke mere sawalat pe aise gardan jhukai maza aa gaya

shaiKH-sahab ka iman bik hi gaya dekh kar husn-e-saqi pighal hi gaya

aaj se pahle ye kitne maghrur the luT gai parsai maza aa gaya

ai 'fana' shukr hai aaj baad-e-fana us ne rakh li mere pyar ki aabru

apne hathon se us ne meri qabr pe chadar-e-gul chaDhai maza aa gaya