na hai but-kada ki talab mujhe na haram ke dar ki talash hai

na hai but-kada kī talab mujhe na haram ke dar kī talāsh hai

jahāñ luT gayā hai sukūn-e-dil usī rahguzar kī talāsh hai

mere zauq-e-sajda-e-bandagī ko atā huī hai ye be-ḳhudī

tere sañg-e-dar pe pahuñche bhī tere sañg-e-dar kī talāsh hai

tū haram meñ jis ko hai DhūñDhtā mujhe but-kada vo mil gayā

tujhe kyā malāl hai zāhidā ye nazar nazar kī talāsh hai

ai tabīb haT jā parai zarā maiñ marīz-e-ishq huuñ lā-davā

mujhe jis ne dard atā kiyā usī chāra-gar kī talāsh hai

jo ġham-e-hayāt ko luuT le usī rāhzan kī hai justujū

jo charāġh-e-manzil-e-ishq ho usī rāhbar kī talāsh hai

merī zindagī hai ye zindagī tere ishq kī na bujhe lagī

tere DhūñDhne meñ jo gum huī mujhe us nazar kī talāsh hai

ye hai vo maqām ki jis jagah ye 'amīr'-e-sābrī kho gayā

na rahī hai jalvoñ kī aarzū na hī jalva-gar kī talāsh hai

na hai but-kada ki talab mujhe na haram ke dar ki talash hai

jahan luT gaya hai sukun-e-dil usi rahguzar ki talash hai

mere zauq-e-sajda-e-bandagi ko ata hui hai ye be-KHudi

tere sang-e-dar pe pahunche bhi tere sang-e-dar ki talash hai

tu haram mein jis ko hai DhunDhta mujhe but-kada wo mil gaya

tujhe kya malal hai zahida ye nazar nazar ki talash hai

ai tabib haT ja parai zara main mariz-e-ishq hun la-dawa

mujhe jis ne dard ata kiya usi chaara-gar ki talash hai

jo gham-e-hayat ko luT le usi rahzan ki hai justuju

jo charagh-e-manzil-e-ishq ho usi rahbar ki talash hai

meri zindagi hai ye zindagi tere ishq ki na bujhe lagi

tere DhunDhne mein jo gum hui mujhe us nazar ki talash hai

ye hai wo maqam ki jis jagah ye 'amir'-e-sabri kho gaya

na rahi hai jalwon ki aarzu na hi jalwa-gar ki talash hai