sar jhukaya to patthar sanam ban gae ishq bhaTka to KHud aashna ho gaya

sar jhukāyā to patthar sanam ban ga.e 'ishq bhaTkā to ḳhud āshnā ho gayā

rashk karatā hai kā'ba mere kufr par maiñ ne jis but ko puujā ḳhudā ho gayā

dikh rahī hai ki me'arāj hai 'ishq kī ai junūñ bol manzil hai ye kaun sī

un ke ghar kā patā pūchhte-pūchhte pūchhne vaalā ḳhud lāpatā ho gayā

vaqt ahbāb parchhā.īñ sūraj kiran log duniyā ḳhushī zindagī chāñdnī

mere mahbūb ik tere ġham ke sivā jo milā rāste meñ judā ho gayā

maiñ mohabbat se muñh moḌ letā agar TuuT paḌtī ye bijlī kisī aur par

mere dil kī tabāhī se ye to huā kam se kam dūsroñ kā bhalā ho gayā

kārobār-e-tamannā meñ ye to huā un ke qadmoñ meñ marne kā mauqa' milā

zindagī-bhar to ghāTā uThāte rahe aaj pahlī daf.a fā.eda ho gayā

aisā bhaTkā ki lauTā nahīñ aaj tak aisā bichhḌā ki aayā nahīñ aaj tak

dil ye kam-baḳht hai is qadar ai 'fanā' aap ke ghar gayā aap kā ho gayā

sar jhukaya to patthar sanam ban gae 'ishq bhaTka to KHud aashna ho gaya

rashk karata hai ka'ba mere kufr par main ne jis but ko puja KHuda ho gaya

dikh rahi hai ki me'araj hai 'ishq ki ai junun bol manzil hai ye kaun si

un ke ghar ka pata puchhte-puchhte puchhne wala KHud lapata ho gaya

waqt ahbab parchhain suraj kiran log duniya KHushi zindagi chandni

mere mahbub ek tere gham ke siwa jo mila raste mein juda ho gaya

main mohabbat se munh moD leta agar TuT paDti ye bijli kisi aur par

mere dil ki tabahi se ye to hua kam se kam dusron ka bhala ho gaya

karobar-e-tamanna mein ye to hua un ke qadmon mein marne ka mauqa' mila

zindagi-bhar to ghaTa uThate rahe aaj pahli dafa faeda ho gaya

aisa bhaTka ki lauTa nahin aaj tak aisa bichhDa ki aaya nahin aaj tak

dil ye kam-baKHt hai is qadar ai 'fana' aap ke ghar gaya aap ka ho gaya