koi aae koi jae ye tamasha kya hai
koī aa.e koī jaa.e ye tamāsha kyā hai
kuchh samajh meñ nahīñ aatā ki ye duniyā kyā hai
aane vaale to chale jaate haiñ vāpas lekin
jaane vaale nahīñ aate ye tarīqa kyā hai
tere ahbāb tere dost tere ghar vaale
tujh ko miTTī meñ milā deñge samajhtā hai
dafn kar ke ye tasallī bhī diye jaate haiñ
rafta-rafta sabhī aa jā.eñge Dartā kyā hai
baa'd marne ke tujhe kahte haiñ tere apne
is ko le jaao dafn ke liye rakhnā kyā hai
chhoḌ kar tujhe vīrāne meñ chal diye saare
ab to samjhā hai terā apnoñ se rishta kyā hai
do ghaḌī ro.eñge tere ahbāb ai 'kāmil'
phir vo hamesha bhulā deñge tū samajhtā kyā hai
koi aae koi jae ye tamasha kya hai
kuchh samajh mein nahin aata ki ye duniya kya hai
aane wale to chale jate hain wapas lekin
jaane wale nahin aate ye tariqa kya hai
tere ahbab tere dost tere ghar wale
tujh ko miTTi mein mila denge samajhta hai
dafn kar ke ye tasalli bhi diye jate hain
rafta-rafta sabhi aa jaenge Darta kya hai
ba'd marne ke tujhe kahte hain tere apne
is ko le jao dafn ke liye rakhna kya hai
chhoD kar tujhe virane mein chal diye sare
ab to samjha hai tera apnon se rishta kya hai
do ghaDi roenge tere ahbab ai 'kaamil'
phir wo hamesha bhula denge tu samajhta kya hai
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
