tum jis ko dekh lo wo na pahlu mein pae dil

tum jis ko dekh lo vo na pahlū meñ paa.e dil

tum sā jo dil-rubā ho to kyuuñ kar bachā.e dil

'majzūb' ab kisī se na yā-rab lagā.e dil

paa.e to terī yaad se bas chain paa.e dil

us shoḳh dilrubā kī DhiTā.ī to dekhiye

apne banā liye haiñ hazāroñ parā.e dil

itnā na hogā koī bhī sabr-āzmā-e-dil

sab se lagā.e tum se na koī lagā.e dil

dam-bhar qarār lene nahīñ detā haaye dil

kaisī ye paḌ ga.ī hai mire sar balā-e-dil

'majzūb' ab kisī se bhalā kyuuñ lagā.e dil

dil āshnā-e-dard hai dard āshnā-e-dil

tum jis ko dekh lo wo na pahlu mein pae dil

tum sa jo dil-ruba ho to kyun kar bachae dil

'majzub' ab kisi se na ya-rab lagae dil

pae to teri yaad se bas chain pae dil

us shoKH dilruba ki DhiTai to dekhiye

apne bana liye hain hazaron parae dil

itna na hoga koi bhi sabr-azma-e-dil

sab se lagae tum se na koi lagae dil

dam-bhar qarar lene nahin deta haye dil

kaisi ye paD gai hai mere sar bala-e-dil

'majzub' ab kisi se bhala kyun lagae dil

dil aashna-e-dard hai dard aashna-e-dil