تم جس کو دیکھ لو وہ نہ پہلو میں پائے دل

تم جس کو دیکھ لو وہ نہ پہلو میں پائے دل

تم سا جو دل ربا ہو تو کیوں کر بچائے دل

مجذوبؔ اب کسی سے نہ یا رب لگائے دل

پائے تو تیری یاد سے بس چین پائے دل

اس شوخ دل ربا کی ڈھٹائی تو دیکھیے

اپنے بنا لیے ہیں ہزاروں پرائے دل

اتنا نہ ہوگا کوئی بھی صبر آزمائے دل

سب سے لگائے تم سے نہ کوئی لگائے دل

دم بھر قرار لینے نہیں دیتا ہائے دل

کیسی یہ پڑ گئی ہے مرے سر بلا دل

مجذوبؔ اب کسی سے بھلا کیوں لگائے دل

دل آشنائے درد ہے درد آشنائے دل