tumhaare hi hone se aabaad hai dil

tumhāre hī hone se ābād hai dil

tumhī jab na hoge to vīrān hogā

tumhī se hai hasrat tumhī se hai armāñ

na hasrat hī hogī na armān hogā

merā dil fidā tum pe aur jaan qurbāñ

tumhī ho merī zindagānī kā sāmāñ

tumhāre hī jab kaam aa.ī na ye jaan

to phir jaan kā kyā merī jaan hogā

payāmī jo dekhā us se na kahnā

ye be-chainiyāñ us se na kahnā

pareshāniyāñ merī us se na kahnā

vo jis dam sunegā pareshān hogā

merī jaañ tumhāre hī qabze meñ hai dil

tumhārī hī marzī pe hai hālat-e-dil

jo taskīn doge to taskīn hogī

pareshāñ karoge to pareshān hogā

jo dil hai yahī dil kī hālat yahī hai

jo kuchh bhī hai rañg-e-tabī’at yahī hai

salāmat agar josh-e-vahshat yahī hai

to ghar hī kisī din bayābān hogā

nahīñ gar hifāzat kā sāmān koī

to ġhurbat meñ kyuuñ ho pareshān koī

nahīñ jis kā be-dam nigahbān koī

to allāh us kā nigahbān hogā

tumhaare hi hone se aabaad hai dil

tumhi jab na hoge to viran hoga

tumhi se hai hasrat tumhi se hai arman

na hasrat hi hogi na arman hoga

mera dil fida tum pe aur jaan qurban

tumhi ho meri zindagani ka saman

tumhaare hi jab kaam aai na ye jaan

to phir jaan ka kya meri jaan hoga

payami jo dekha us se na kahna

ye be-chainiyan us se na kahna

pareshaniyan meri us se na kahna

wo jis dam sunega pareshan hoga

meri jaan tumhaare hi qabze mein hai dil

tumhaari hi marzi pe hai haalat-e-dil

jo taskin doge to taskin hogi

pareshan karoge to pareshan hoga

jo dil hai yahi dil ki haalat yahi hai

jo kuchh bhi hai rang-e-tabi’at yahi hai

salamat agar josh-e-wahshat yahi hai

to ghar hi kisi din bayaban hoga

nahin gar hifazat ka saman koi

to ghurbat mein kyun ho pareshan koi

nahin jis ka be-dam nigahban koi

to allah us ka nigahban hoga