قصد ملنے کا ہے پر دور ہوئے بیٹھے ہیں

قصد ملنے کا ہے پر دور ہوئے بیٹھے ہیں

اپنی عادت سے وہ مجبور ہوئے بیٹھے ہیں

کیا خبر ہم کو کدھر دیر ہے کعبہ ہے کہاں

نشۂ عشق سے مخمور ہوئے بیٹھے ہیں

کیا برا حال ہے بیمار محبت کا ترے

پاس کوئی نہیں سب دور ہوئے بیٹھے ہیں

مہدی ہاتھوں میں لگائی ہے آنہوں نے اے دل

اب یہ موقع ہے وہ مجبور ہوئے بیٹھے ہیں

دل یہ کہتا ہے کہ میں ان کی بلائیں لے لوں

بزمِ جنت میں وہ اک حور بنے بیٹھے ہیں