qasd milne ka hai par dur hue baiThe hain
qasd milne kā hai par duur hue baiThe haiñ
apnī 'ādat se vo majbūr hue baiThe haiñ
kyā ḳhabar ham ko kidhar dair hai kā'ba hai kahāñ
nashsha-e-'ishq se maḳhmūr hue baiThe haiñ
kyā burā haal hai bīmār-e-mohabbat kā tire
paas koī nahīñ sab duur hue baiThe haiñ
mehdī hāthoñ meñ lagā.ī hai inhoñ ne ai dil
ab ye mauqa' hai vo majbūr hue baiThe haiñ
dil ye kahtā hai ki maiñ un kī balā.eñ le luuñ
bazm-e-jannat meñ vo ik huur bane baiThe haiñ
qasd milne ka hai par dur hue baiThe hain
apni 'adat se wo majbur hue baiThe hain
kya KHabar hum ko kidhar dair hai ka'ba hai kahan
nashsha-e-'ishq se maKHmur hue baiThe hain
kya bura haal hai bimar-e-mohabbat ka tere
pas koi nahin sab dur hue baiThe hain
mehdi hathon mein lagai hai inhon ne ai dil
ab ye mauqa' hai wo majbur hue baiThe hain
dil ye kahta hai ki main un ki balaen le lun
bazm-e-jannat mein wo ek hur bane baiThe hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
