un ke naKHun par fida jaan kijiye

un ke nāḳhun par fidā jaañ kījiye

aur māh-e-'īd qurbāñ kījiye

jaan kyā hai aur māh-e-'īd kyā

yaañ fidā mulk-e-sulemāñ kījiye

un ke nāḳhun kā tarāshā gar mile

jeb-e-jāñ meñ us ko pinhāñ kījiye

aur roz-e-hashr ho jab āshakār

pesh us ko pesh-e-yazdāñ kījiye

sahn-e-mahshar 'īd-gāh-e-maġhfirat

az barā-e-ahl-e-'isyāñ kījiye

sāhib-e-laulāk kī ummat haiñ ham

aaj ham par bazl-e-ġhufrāñ kījiye

tujh ko likhnā hai sarapā-e-nabī

kāfī-e-maddāh sāmāñ kījiye

un ke naKHun par fida jaan kijiye

aur mah-e-'id qurban kijiye

jaan kya hai aur mah-e-'id kya

yan fida mulk-e-suleman kijiye

un ke naKHun ka tarasha gar mile

jeb-e-jaan mein us ko pinhan kijiye

aur roz-e-hashr ho jab aashakar

pesh us ko pesh-e-yazdan kijiye

sahn-e-mahshar 'id-gah-e-maghfirat

az bara-e-ahl-e-'isyan kijiye

sahib-e-laulak ki ummat hain hum

aaj hum par bazl-e-ghufran kijiye

tujh ko likhna hai sarapa-e-nabi

kafi-e-maddah saman kijiye