un ko tu ne kya se kya shauq-e-farawan kar diya

un ko tū ne kyā se kyā shauq-e-farāvāñ kar diyā

pahle jaañ phir jān-e-jāñ phir jān-e-jānāñ kar diyā

taba’-e-rañgīñ ne mirī gul ko gulistāñ kar diyā

kuchh se kuchh husn-e-nazar ne husn-e-ḳhūbāñ kar diyā

fikr-e-īñ-o-āñ ne jab mujh ko pareshāñ kar diyā

maiñ ne sar nazr-e-junūn-e-fitna-sāmāñ kar diyā

dard-e-dil ne aur sab dardoñ kā darmāñ kar diyā

'ishq kī mushkil ne har mushkil ko āsāñ kar diyā

dil qafas meñ lag chalā thā phir pareshāñ kar diyā

ham-safīro tum ne kyuuñ zikr-e-gulistāñ kar diyā

har che baada bād-e-mā kashtī dar-āb andākHtem

kar ke jur.at un se aaj iz.hār-e-armāñ kar diyā

zulf-o-ruḳh ko Dhāñkiye ye bhī koī andāz hai

is ko hairāñ kar diyā us ko pareshāñ kar diyā

phūñk dī ik rūh-e-nau mujh meñ mirī har aah ne

dard-e-dil ne merī rag-rag ko rag-e-jāñ kar diyā

mere chāra-gar kā to dekhiye koī husn-e-'ilāj

mahv-e-dil se imtiyāz-e-dard-o-darmāñ kar diyā

talḳh kar dī zindagī shorish tirī kuchh had bhī hai

uf mire har zaḳhm ko tū ne namak-dāñ kar diyā

ye tirī zulfeñ ye āñkheñ ye tirā mukhḌā ye rañg

huur ko allāh kī qudrat ne insāñ kar diyā

jin kī ustādī pe ḳhud hikmat bajā kartī thī naaz

ek ummī ne unheñ tifl-e-dabistāñ kar diyā

chupke-chupke andar-andar tū ne ai shauq-e-nihāñ

dil ko mere rāz-dār-e-husn-e-pinhāñ kar diyā

TuuT jaate kyuuñ na Tāñke zaḳhm ke dekhā ġhazab

shāmil-e-baḳhiya mirā tār-e-garebāñ kar diyā

mujh ko sūjhā bhī to kyā 'majzūb' vahshat kā 'ilāj

maiñ ne dil vabasta-e-zulf-e-pareshāñ kar diyā

un ko tu ne kya se kya shauq-e-farawan kar diya

pahle jaan phir jaan-e-jaan phir jaan-e-jaanan kar diya

taba’-e-rangin ne meri gul ko gulistan kar diya

kuchh se kuchh husn-e-nazar ne husn-e-KHuban kar diya

fikr-e-in-o-an ne jab mujh ko pareshan kar diya

main ne sar nazr-e-junun-e-fitna-saman kar diya

dard-e-dil ne aur sab dardon ka darman kar diya

'ishq ki mushkil ne har mushkil ko aasan kar diya

dil qafas mein lag chala tha phir pareshan kar diya

ham-safiro tum ne kyun zikr-e-gulistan kar diya

har che baada baad-e-ma kashti dar-ab andakHtem

kar ke jurat un se aaj izhaar-e-arman kar diya

zulf-o-ruKH ko Dhankiye ye bhi koi andaz hai

is ko hairan kar diya us ko pareshan kar diya

phunk di ek ruh-e-nau mujh mein meri har aah ne

dard-e-dil ne meri rag-rag ko rag-e-jaan kar diya

mere chaara-gar ka to dekhiye koi husn-e-'ilaj

mahw-e-dil se imtiyaz-e-dard-o-darman kar diya

talKH kar di zindagi shorish teri kuchh had bhi hai

uf mere har zaKHm ko tu ne namak-dan kar diya

ye teri zulfen ye aankhen ye tera mukhDa ye rang

hur ko allah ki qudrat ne insan kar diya

jin ki ustadi pe KHud hikmat baja karti thi naz

ek ummi ne unhen tifl-e-dabistan kar diya

chupke-chupke andar-andar tu ne ai shauq-e-nihan

dil ko mere raaz-dar-e-husn-e-pinhan kar diya

TuT jate kyun na Tanke zaKHm ke dekha ghazab

shamil-e-baKHiya mera tar-e-gareban kar diya

mujh ko sujha bhi to kya 'majzub' wahshat ka 'ilaj

main ne dil wabasta-e-zulf-e-pareshan kar diya