mansur ne to suli pe KHud ko chaDha ke pi

mansūr ne to suulī pe ḳhud ko chaḌhā ke pī

tabrez ne nisār ko apnī khichā ke pī

sarmast the vo mast ke sar ko kaTā ke pī

taqlīd un kī chāhiye sāġhar uThā ke pī

piinā jo chāhtā hai to ḳhud ko miTā ke pī

yūsuf ne apne husn kā jalva dekhā ke pī

'iisā ne qum bi-iznī se murde jilā ke pī

ayyūb ne bhī sabr kī had ko miTā kī pī

tū āstāna-e-sāqī-e-kausar pe jā ke pī

gum-karda kārvāñ hai tū manzil pe jā ke pī

akbar sā naujavān bhī shah se judā huā

āñkhoñ ke sāmne halq asġhar kā chhil gayā

kis kis kā zikr kījiye sab ghar hī luT gayā

dekhe to koī aaj kaleja husain kā

ghar ko luTā ke pī kabhī sar ko kaTā ke pī

zāhid ko mai-e-'ishq ke piine kā dam nahīñ

āñkhoñ meñ husn-e-yār kī mastī kā rañg nahīñ

paḌhtā hai tū namāz magar chashm-e-nam nahīñ

mastoñ kā jhūmnā bhī 'ibādat se kam nahīñ

piine kā jab mazā hai ki duniyā luTā ke pī

mansur ne to suli pe KHud ko chaDha ke pi

tabrez ne nisar ko apni khicha ke pi

sarmast the wo mast ke sar ko kaTa ke pi

taqlid un ki chahiye saghar uTha ke pi

pina jo chahta hai to KHud ko miTa ke pi

yusuf ne apne husn ka jalwa dekha ke pi

'isa ne qum bi-izni se murde jila ke pi

ayyub ne bhi sabr ki had ko miTa ki pi

tu aastana-e-saqi-e-kausar pe ja ke pi

gum-karda karwan hai tu manzil pe ja ke pi

akbar sa naujawan bhi shah se juda hua

aankhon ke samne halq asghar ka chhil gaya

kis kis ka zikr kijiye sab ghar hi luT gaya

dekhe to koi aaj kaleja husain ka

ghar ko luTa ke pi kabhi sar ko kaTa ke pi

zahid ko mai-e-'ishq ke pine ka dam nahin

aankhon mein husn-e-yar ki masti ka rang nahin

paDhta hai tu namaz magar chashm-e-nam nahin

maston ka jhumna bhi 'ibaadat se kam nahin

pine ka jab maza hai ki duniya luTa ke pi