teri justuju mein bahut KHak chhani jo dekha to apne dil-o-jaan mein tu hai

tirī justujū meñ bahut ḳhaak chhānī jo dekhā to apne dil-o-jāñ meñ tū hai

nahīñ hai agar to kahīñ bhī nahīñ hai agar hai to paidā-o-pinhāñ meñ tū hai

binā rañg-o-bū tū gul-e-yāsman meñ basā tū hai nasrīn aur nastaran meñ

shajar meñ bhī tū hai samar meñ bhī tū chaman meñ bhī tū hai ḳhayābāñ meñ tū hai

kahīñ naar hai aur kahīñ nuur hai tū kahīñ hai parī aur kahīñ huur hai tū

kahīñ tū banā hai sanam but-kada meñ kahīñ jalva-gar shakl-e-insāñ meñ tū hai

nahīñ farq karte kisī shai meñ aslan ki hai mahv tere tasavvur meñ shaidā

gul-o-ḳhār meñ ek apnī nazar meñ gulistāñ meñ tū hai bayābāñ meñ tū hai

huā jī se parvāna tujh pe tasadduq kiyā dil se bulbul ne tujh se ta'ashshuq

nahīñ koī tere sivā sham’-o-gul meñ aur meñ aur to meñ tū hai

kahīñ soz hai aur kahīñ saaz hai tū kahīñ niyāz hai aur kahīñ naaz hai to

kahīñ tū banā 'ishq āshiq ke dil meñ kahīñ husn ruḳhsār-e-jānāñ meñ tū hai

rahā ban ke saudā tū hī mere sar meñ banā hai tū hī soz dil aur jigar meñ

rag-o-pai meñ terī mohabbat hai saarī mirī jism meñ tū hai aur jaañ meñ tū hai

tirī shaan har qatra se hai huvaidā terā nuur hai zarra-zarra se paidā

jo gauhar hai tū abr-e-naisāñ meñ to hai ziyā hai tū mehr-e-daraḳhshāñ meñ tū hai

kisī ke tasavvur meñ kyā gum huā hai ki mafqūd duniyā se terā pata hai

na chaltā hai terā nishāñ shahr meñ kuchh na majbūr koh-o-bayābāñ meñ tū hai

teri justuju mein bahut KHak chhani jo dekha to apne dil-o-jaan mein tu hai

nahin hai agar to kahin bhi nahin hai agar hai to paida-o-pinhan mein tu hai

bina rang-o-bu tu gul-e-yasman mein basa tu hai nasrin aur nastaran mein

shajar mein bhi tu hai samar mein bhi tu chaman mein bhi tu hai KHayaban mein tu hai

kahin nar hai aur kahin nur hai tu kahin hai pari aur kahin hur hai tu

kahin tu bana hai sanam but-kada mein kahin jalwa-gar shakl-e-insan mein tu hai

nahin farq karte kisi shai mein aslan ki hai mahw tere tasawwur mein shaida

gul-o-KHar mein ek apni nazar mein gulistan mein tu hai bayaban mein tu hai

hua ji se parwana tujh pe tasadduq kiya dil se bulbul ne tujh se ta'ashshuq

nahin koi tere siwa sham’-o-gul mein aur mein aur to mein tu hai

kahin soz hai aur kahin saz hai tu kahin niyaz hai aur kahin naz hai to

kahin tu bana 'ishq aashiq ke dil mein kahin husn ruKHsar-e-jaanan mein tu hai

raha ban ke sauda tu hi mere sar mein bana hai tu hi soz dil aur jigar mein

rag-o-pai mein teri mohabbat hai sari meri jism mein tu hai aur jaan mein tu hai

teri shan har qatra se hai huwaida tera nur hai zarra-zarra se paida

jo gauhar hai tu abr-e-naisan mein to hai ziya hai tu mehr-e-daraKHshan mein tu hai

kisi ke tasawwur mein kya gum hua hai ki mafqud duniya se tera pata hai

na chalta hai tera nishan shahr mein kuchh na majbur koh-o-bayaban mein tu hai