bura kis ko manun bhala kis ko jaanun

burā kis ko mānūñ bhalā kis ko jānūñ

ye sab ruup mere maiñ bahrūpiyā huuñ

nazar se miT ga.ī mere tamām maujūdāt

sifāt raf.a hue dekhtā huuñ jalva-e-zāt

na sayyiāt samajhtā huuñ maiñ na ab hasanāt

burā kis ko mānūñ bhalā kis ko jānūñ

nuur qindīl haram shama' kalīsā ek hai

but-parastī haq-parastī sab kā manshā ek hai

mauj-o-girdāb-o-hubāb-o-āb-o-dariyā ek hai

laakh shakleñ hoñ magar sab kā hayūlā ek hai

burā kis ko mānūñ bhalā kis ko jānūñ

gulshan-o-gul gulban-o-bād-e-sabā kuchh bhī nahīñ

aḳhtar-o-shams-o-qamar arz-o-samā kuchh bhī nahīñ

har taraf mere karishmoñ ke sivā kuchh bhī nahīñ

burā kis ko mānūñ bhalā kis ko jānūñ

kahīñ ambiyāoñ kī shāneñ dikhā.eñ

kahīñ sūrat-e-auliyā ban ke aayā

ye sab ruup mere maiñ bahrūpiyā huuñ

kiyā 'āshiqoñ ko giraftār-e-gesū

hasīnoñ kī bāñkī adā ban ke huuñ

ye sab ruup mere maiñ bahrūpiyā huuñ

kahīñ ban ke majnūñ phirā koh-o-sahrā

kahīñ laila-e-dilrubā ban ke huuñ

ye sab ruup mere maiñ bahrūpiyā huuñ

khile gul agarche bahut se jahāñ meñ

bahār aa.ī jab mustafā ban ke huuñ

ye sab ruup mere maiñ bahrūpiyā huuñ

farishtoñ kī chāhat hai quddūsiyat se

tū shān-e-ġhafūrī se mujrim ko chāhūñ

huuñ har rañg meñ rañg le kar ke be-rañg

maiñ chūñ-o-charā meñ huuñ bā-shān-e-be-chūñ

dāman-e-yaktā.īyam gashta na tar

huuñ har rañg meñ rañg le kar ke be-rañg

maiñ dozaḳh meñ jā.ūñ to huuñ kis kā qaidī

maiñ jannat meñ jā.ūñ to huuñ kis kā mamnūñ

falahum ajrun ġhairu mamnūn

maiñ jannat meñ jā.ūñ to huuñ kis kā mamnūn

taqayyud jahannam hai itlāq-e-jannat

kabhī is meñ aa.uuñ kabhī us meñ jā.ūñ

qafas meñ bulbul-e-shaidā ko jab liyā sayyād

kahī qusūr terā maiñ ne kyā kiyā sayyād

maiñ dekh ġhuncha-e-ḳHātir ko munqabiz apne

chaman meñ aaga.ī thī khāne ko havā sayyād

khulā na ‘uqda-e-dil kuchh na dekhī sair-e-chaman

huī huuñ qaid-e-'ajā.ib ye gul khilā sayyād

qafas meñ rakh tū mujhe har chaman meñ rahne de

phañsā hai gul kī mohabbat meñ dil mirā sayyād

paroñ ko khol de aur sun merī haqīqat ko

tujhe sunātī huuñ maiñ apnā mājrā sayyād

taqayyud jahannam hai itlāq-e-jannat

kabhī is meñ āvauñ kabhī us meñ jā.ūñ

suno vahī lafzoñ meñ mujh se ye raaz

sharī'at vuzū hai tarīqat namāz

kabhī is meñ aa.uuñ kabhī us meñ jā.ūñ

sharī'at meñ hai nār-o-jannat kā rañg

tarīqat meñ hai vasl-e-furqat kā rañg

taqayyud jahannam hai itlāq-e-jannat

kabhī is meñ aa.uuñ kabhī us meñ jā.ūñ

fanā kis kī baqā kaisī jannat is ke āshnā Thahre

kabhī is ghar meñ aa nikle kabhī us ghar meñ jā Thahre

kabhī is meñ aa.uuñ kabhī us meñ jā.ūñ

jo parda uThā to huā saaf zāhir

hai lailā mahmil-nashīñ ’ain-e-majnūñ

ai ham-nashīñ ḳhabar kun kaz jazba-e-mohabbat

lailā shudast majnūñ majnūñ ḳhabar nadārat

hai lailā mahmil-nashīñ ’ain-e-majnūñ

’ishq-e-avval dard-e-dil mā'shūq paidā mī-shavad

taanā soz ke shama' ke parvāna shaidā mī-shavad

hai lailā mahmil-nashīñ ’ain-e-majnūñ

nahīñ ġhair merā do-'ālam meñ maujūd

to phir faash hai kaun maiñ raaz kyā huuñ

mā'nī lā-ilāha-illallāh

nahīñ ġhair merā do-’ālam meñ maujūd

chū raaz raaz na-mānadast-o-fāsh faash na-mānad

barahna az che na-gardaim mā sar-e-bāzār

to phir faash hai kaun maiñ raaz kyā kahūñ

bura kis ko manun bhala kis ko jaanun

ye sab rup mere main bahrupiya hun

nazar se miT gai mere tamam maujudat

sifat rafa hue dekhta hun jalwa-e-zat

na sayyiat samajhta hun main na ab hasanat

bura kis ko manun bhala kis ko jaanun

nur qindil haram shama' kalisa ek hai

but-parasti haq-parasti sab ka mansha ek hai

mauj-o-girdab-o-hubab-o-ab-o-dariya ek hai

lakh shaklen hon magar sab ka hayula ek hai

bura kis ko manun bhala kis ko jaanun

gulshan-o-gul gulban-o-baad-e-saba kuchh bhi nahin

aKHtar-o-shams-o-qamar arz-o-sama kuchh bhi nahin

har taraf mere karishmon ke siwa kuchh bhi nahin

bura kis ko manun bhala kis ko jaanun

kahin ambiyaon ki shanen dikhaen

kahin surat-e-auliya ban ke aaya

ye sab rup mere main bahrupiya hun

kiya 'ashiqon ko giraftar-e-gesu

hasinon ki banki ada ban ke hun

ye sab rup mere main bahrupiya hun

kahin ban ke majnun phira koh-o-sahra

kahin laila-e-dilruba ban ke hun

ye sab rup mere main bahrupiya hun

khile gul agarche bahut se jahan mein

bahaar aai jab mustafa ban ke hun

ye sab rup mere main bahrupiya hun

farishton ki chahat hai quddusiyat se

tu shan-e-ghafuri se mujrim ko chahun

hun har rang mein rang le kar ke be-rang

main chun-o-chara mein hun ba-shan-e-be-chun

daman-e-yaktaiyam gashta na tar

hun har rang mein rang le kar ke be-rang

main dozaKH mein jaun to hun kis ka qaidi

main jannat mein jaun to hun kis ka mamnun

falahum ajrun ghairu mamnun

main jannat mein jaun to hun kis ka mamnun

taqayyud jahannam hai itlaq-e-jannat

kabhi is mein aaun kabhi us mein jaun

qafas mein bulbul-e-shaida ko jab liya sayyaad

kahi qusur tera main ne kya kiya sayyaad

main dekh ghuncha-e-ḳHatir ko munqabiz apne

chaman mein aagai thi khane ko hawa sayyaad

khula na ‘uqda-e-dil kuchh na dekhi sair-e-chaman

hui hun qaid-e-'ajaib ye gul khila sayyaad

qafas mein rakh tu mujhe har chaman mein rahne de

phansa hai gul ki mohabbat mein dil mera sayyaad

paron ko khol de aur sun meri haqiqat ko

tujhe sunati hun main apna majra sayyaad

taqayyud jahannam hai itlaq-e-jannat

kabhi is mein aawaun kabhi us mein jaun

suno wahi lafzon mein mujh se ye raaz

shari'at wuzu hai tariqat namaz

kabhi is mein aaun kabhi us mein jaun

shari'at mein hai nar-o-jannat ka rang

tariqat mein hai wasl-e-furqat ka rang

taqayyud jahannam hai itlaq-e-jannat

kabhi is mein aaun kabhi us mein jaun

fana kis ki baqa kaisi jannat is ke aashna Thahre

kabhi is ghar mein aa nikle kabhi us ghar mein ja Thahre

kabhi is mein aaun kabhi us mein jaun

jo parda uTha to hua saf zahir

hai laila mahmil-nashin ’ain-e-majnun

ai ham-nashin KHabar kun kaz jazba-e-mohabbat

laila shudast majnun majnun KHabar nadarat

hai laila mahmil-nashin ’ain-e-majnun

’ishq-e-awwal dard-e-dil ma'shuq paida mi-shawad

tana soz ke shama' ke parwana shaida mi-shawad

hai laila mahmil-nashin ’ain-e-majnun

nahin ghair mera do-'alam mein maujud

to phir fash hai kaun main raaz kya hun

ma'ni la-ilaha-illallah

nahin ghair mera do-’alam mein maujud

chu raaz raaz na-manadast-o-fash fash na-manad

barahna az che na-gardaim ma sar-e-bazar

to phir fash hai kaun main raaz kya kahun