zamin mein aasman mein arsh par kaba mein mandir mein

zamīñ meñ āsmāñ meñ 'arsh par kā'ba meñ mandir meñ

'abas tālāsh thī chhup kar vo baiThe the mire ghar meñ

DhūñDh aayā us ko saare zamāne meñ chaar sū

kuukū pukārtā rahā har chand kū-ba-kū

āḳhir huā ye ’ilm mujhe bā'd-e-justujū

'abas tālāsh thī chhup kar vo baiThe

'abas tālāsh thī chhup kar vo baiThe the mere dil meñ

parda nahīñ hijāb nahīñ koī rū-ba-rū

tū us kā shefta hai use terī aarzū

gardan jhukā ke dekh tū ḳhud hī kahegā tū

'abas tālāsh thī chhup kar vo baiThe the mere ghar meñ

arz-o-samā kahāñ terī vus'at ko pā sake

merā hī dil hai vo ki jahāñ tū samā sake

'abas talāsh thī chhup kar vo baiThe the mere dil meñ

dil rā agar tū saaf kunī ham-chū ā.īna

be-shak jamāl-e-yār ba-bīnī mu’ā.ina

uu dar dil-e-manast-o-dil-e-man ba-dast-e-ū

chuuñ ā.īna ba-dast-e-man-o-man dar ā.īna

'abas tālāsh thī chhup kar vo baiThe the mere dil meñ

bhañvar meñ paḌ ke Duube yā lage jā kar kināre par

usī kā naam le kar Daal dī kashtī samundar meñ

harche baada baad baad usī kā naam le kar Daal dī kashtī samundar meñ

vo raushan chehra dekhā hai kisī kā jis kī tābish hai

na us māh-e-munavvar meñ na us ḳhurshīd-e-ḳhāvar meñ

mohammad mustafā ko hazrat-e-yūsuf se kyā nisbat

vo matlūb-e-zuleḳhā the ye mahbūb-e-ḳhudā Thahre

rukH-e-bā-safā-e-ū rā che munāsibat ba-dīgar

ba-ḳhudā ki dar malāhat asare qamar na-dārad

vo raushan chehra dekhā hai kisī kā jis kī tābish hai

na us māh-e-munavvar meñ na us ḳhurshīd-e-ḳhāvar meñ

guftam ki raushan az qamar guftā ki ruḳhsār-e-ma-nat

vo raushan chehra dekhā hai kisī kā jis kī tābish hai

idhar dil hai udhar ā.īna hairāñ huuñ ki donoñ meñ

hai ik sūrat nahīñ hai farq mujh meñ aur dilbar meñ

do do do ā.īne hairāñ huuñ kyā ho faisla

yaar merā 'aks-e-rūyā 'aks-e-rū-e-yār meñ

hai ik sūrat nahīñ hai farq mujh meñ aur dilbar meñ

vo be-chainī-o-b-tābī ki dam-bhar bhī na thā ārām

milā ārām ab ham ko na dilbar hai na dil rubā hai

ek hī dil thā vo nazr-e-nāvik-e-jānāñ huā

ab na dil hai na dil giir kī hājat nahīñ

milā ārām ab ham ko na dilbar hai na dilrubā hai

gunahgāro na ghabrāo idhar aao zarā ro lo

jahannam ko bujhā de vo asar hai dīda-e-tar meñ

ham gunahgār jo rote haiñ to aatī hai nidā

baaz aa baaz aa har āñ-che hastī baaz aa

gar kāfir-o-gabr-o-but-parastī baaz aa

iiñ dar gah-e-mā dar gah-e-nā-ummīdī niist

sad baar agar tauba shikastī baaz aa

gunahgāro na ghabrāo idhar aao zarā ro lo

zārī-o-girya ’ajab sarmāya iist

mard-e-ākHir biiñ mubārak banda iist

gunahgāro na ghabrāo idhar aao zarā ro lo

ghabrā rahe ho hashr meñ kyuuñ is qadar amiir

itnī hī sī to baat hai kah do ḳhatā huī

gunahgāro na ghabrāo idhar aao zarā ro lo

phir us kī shān-e-karīmī ke hausle dekhe

gunāhgār ye kah de gunāhgāroñ meñ

gunahgāro na ghabrāo idhar aao zarā ro lo

jo pī kar phir kabhī pyāsā na honā kyā magar ai 'rāz'

kisī ḳhanjar kā paanī paḌ gayā hai hauz-e-kausar meñ

zamin mein aasman mein 'arsh par ka'ba mein mandir mein

'abas talash thi chhup kar wo baiThe the mere ghar mein

DhunDh aaya us ko sare zamane mein chaar su

kuku pukarta raha har chand ku-ba-ku

aaKHir hua ye ’ilm mujhe ba'd-e-justuju

'abas talash thi chhup kar wo baiThe

'abas talash thi chhup kar wo baiThe the mere dil mein

parda nahin hijab nahin koi ru-ba-ru

tu us ka shefta hai use teri aarzu

gardan jhuka ke dekh tu KHud hi kahega tu

'abas talash thi chhup kar wo baiThe the mere ghar mein

arz-o-sama kahan teri wus'at ko pa sake

mera hi dil hai wo ki jahan tu sama sake

'abas talash thi chhup kar wo baiThe the mere dil mein

dil ra agar tu saf kuni ham-chu aaina

be-shak jamal-e-yar ba-bini mu’aina

u dar dil-e-manast-o-dil-e-man ba-dast-e-u

chun aaina ba-dast-e-man-o-man dar aaina

'abas talash thi chhup kar wo baiThe the mere dil mein

bhanwar mein paD ke Dube ya lage ja kar kinare par

usi ka nam le kar Dal di kashti samundar mein

harche baada baad baad usi ka nam le kar Dal di kashti samundar mein

wo raushan chehra dekha hai kisi ka jis ki tabish hai

na us mah-e-munawwar mein na us KHurshid-e-KHawar mein

mohammad mustafa ko hazrat-e-yusuf se kya nisbat

wo matlub-e-zuleKHa the ye mahbub-e-KHuda Thahre

rukH-e-ba-safa-e-u ra che munasibat ba-digar

ba-KHuda ki dar malahat asare qamar na-darad

wo raushan chehra dekha hai kisi ka jis ki tabish hai

na us mah-e-munawwar mein na us KHurshid-e-KHawar mein

guftam ki raushan az qamar gufta ki ruKHsar-e-ma-nat

wo raushan chehra dekha hai kisi ka jis ki tabish hai

idhar dil hai udhar aaina hairan hun ki donon mein

hai ek surat nahin hai farq mujh mein aur dilbar mein

do do do aaine hairan hun kya ho faisla

yar mera 'aks-e-ruya 'aks-e-ru-e-yar mein

hai ek surat nahin hai farq mujh mein aur dilbar mein

wo be-chaini-o-b-tabi ki dam-bhar bhi na tha aaram

mila aaram ab hum ko na dilbar hai na dil ruba hai

ek hi dil tha wo nazr-e-nawik-e-jaanan hua

ab na dil hai na dil gir ki hajat nahin

mila aaram ab hum ko na dilbar hai na dilruba hai

gunahgaro na ghabrao idhar aao zara ro lo

jahannam ko bujha de wo asar hai dida-e-tar mein

hum gunahgar jo rote hain to aati hai nida

baz aa baz aa har aan-che hasti baz aa

gar kafir-o-gabr-o-but-parasti baz aa

in dar gah-e-ma dar gah-e-na-ummidi nist

sad bar agar tauba shikasti baz aa

gunahgaro na ghabrao idhar aao zara ro lo

zari-o-girya ’ajab sarmaya ist

mard-e-akHir bin mubarak banda ist

gunahgaro na ghabrao idhar aao zara ro lo

ghabra rahe ho hashr mein kyun is qadar amir

itni hi si to baat hai kah do KHata hui

gunahgaro na ghabrao idhar aao zara ro lo

phir us ki shan-e-karimi ke hausle dekhe

gunahgar ye kah de gunahgaron mein

gunahgaro na ghabrao idhar aao zara ro lo

jo pi kar phir kabhi pyasa na hona kya magar ai 'raaz'

kisi KHanjar ka pani paD gaya hai hauz-e-kausar mein