sharab-e-ulfat pila de saqi azab kaisa sawab kaisa

sharāb-e-ulfat pilā de saaqī 'azāb kaisā savāb kaisā

tū mast-e-ḳhvāja banā de saaqī 'azāb kaisā savāb kaisā

rahe ye mai-ḳhāna tirā qaa.im chale ye daur-e-sharāb daa.im

hameñ bhī ab to jagā de saaqī 'azāb kaisā savāb kaisā

sharāb aisī pilā de saaqī rahe ḳhabar aur na hosh baaqī

duī kā parda uThā de saaqī 'azāb kaisā savāb kaisā

pilā ke saaqī sharāb-e-vahdat khilā ke ham ko kabāb-e-ulfat

tu riñd-mashrab banā de saaqī 'azāb kaisā savāb kaisā

azal se bhūkā sharāb kā thā ḳhudā ḳhudā kar ke aaj paayā

subū ko muñh se lagā de saaqī 'azāb kaisā savāb kaisā

rahe salāmat sharāb ḳhāna ki mai-parastoñ kā hai Thikāna

jo tujh se māñge pilā de saaqī 'azāb kaisā kaisā savāb kaisā

yahī to dil meñ bharī hai hasrat yahī to hai 'aish' ko lagī raT

sharāb-e-ḳhvāja pilā de saaqī 'azāb kaisā savāb kaisā

sharab-e-ulfat pila de saqi 'azab kaisa sawab kaisa

tu mast-e-KHwaja bana de saqi 'azab kaisa sawab kaisa

rahe ye mai-KHana tera qaim chale ye daur-e-sharab daim

hamein bhi ab to jaga de saqi 'azab kaisa sawab kaisa

sharab aisi pila de saqi rahe KHabar aur na hosh baqi

dui ka parda uTha de saqi 'azab kaisa sawab kaisa

pila ke saqi sharab-e-wahdat khila ke hum ko kabab-e-ulfat

tu rind-mashrab bana de saqi 'azab kaisa sawab kaisa

azal se bhuka sharab ka tha KHuda KHuda kar ke aaj paya

subu ko munh se laga de saqi 'azab kaisa sawab kaisa

rahe salamat sharab KHana ki mai-paraston ka hai Thikana

jo tujh se mange pila de saqi 'azab kaisa kaisa sawab kaisa

yahi to dil mein bhari hai hasrat yahi to hai 'aish' ko lagi raT

sharab-e-KHwaja pila de saqi 'azab kaisa sawab kaisa