tha ruKH-e-raushan par uske meri surat ka naqab

thā ruḳh-e-raushan par us ke merī sūrat kā naqāb

phaT gayā jab abr niklā jagmagātā āftāb

vallāh ḳhudī terī hai ḳhaibar kā baab

haidar kī tarah toḌ ki uTh jaa.e hijāb

har shai hai vahī us ke sivā kuchh bhī nahīñ

hai zaat ke chehra pe ye sūrat kā naqāb

phaT gayā jab abr niklā jagmagātā āftāb

jis ko ġhair-e-yār samjhā thā vo 'ain-e-yār thā

ġharq dariyā-e-ḳhajālat huuñ maiñ ho kar āb-āb

jinheñ DhūñDhā kiye dair va dil nashīñ dil nashīñ the vo

samajhte the jinheñ ham dūr-tar ham se qarīñ the vo

jahāñ kī ḳhaak chhānī 'ishq meñ jin ke yahīñ the vo

huā ai faiz mā'lūm ek muddat meñ hamīñ the vo

japā karte the jin ke naam kī din-rāt sumirān ham

jis ko ġhair-e-yār samjhā thā vo ’ain-e-yār thā

kufr-o-īmāñ donoñ sadd-e-rāh-e-vasl-e-yār haiñ

tū agar ye sad na toḌegā na hogā fat.h-e-bāb

kufr-o-dīñ har-do-hijāb-e-rū-e-ū

tā na bardārī ravī ki sū-e-ū

tū agar ye sad na toḌegā na hogā fat.h-e-bāb

rasā.ī niist tā-sar-e-manzil-ū kufr-o-īmāñ rā

ki kā'ba dair sadd-e-rah buvad gabr-o-musalmāñ rā

tū agar ye sad na toḌegā na hogā fat.h-e-bāb

yaad terī dar haqīqat bhuul hai ai marv-e-rah

bhūlnā bhī bhuul jā.egā to hogā kāmyāb

gum shudan dar gum shudan dīn-e-manast

tū dur-o-gum sho visāl-e-īñast-o-bas

gum shudan gum kun kamāl-e-īnast-o-bas

bhūlnā bhī bhuul jā.egā to hogā kāmyāb

ek buuTā mere dil kā āsmān-e-lāla-zār

ek suura saarā 'ālam dil mirā ummul-kitāb

ye dil ne aisī kuchh paa.ī hai vus.at

ki jis ke aage past arsh barīñ hai

ek buuTā mere dil kā āsmān laala zaar

agar az vus’at-e-man āgahī yā be-shavī hairāñ

ki 'ālam dar haq-o-haq dar dil-o-dil dar man ai yārāñ

hai baḌī vus'at mirī maiñ huuñ vo bahar-e-be-kanār

ek buuTā mere dil kā āsmān-e-lāla-zār

ek suura saarā 'ālam dil mirā ummul-kitāb

’arsh tan hai chaar 'unsur hamilān-e-'arsh haiñ

rūhurrahmān 'alal-’arshistavā bā-āb-o-tāb

jab idhar har aan meñ us yaar kī ik shaan hai

hai dil-e-'ārif idhar bhī rāz-e-bahr-e-iztirāb

us kī merī muvāfiqat mushkil hai

taslīm-o-razā kī manzilat mushkil hai

hai jis kā kamāl kullu yaumin huvā fī shaan

aise mālik kī 'abadiyat mushkil hai

jab idhar har aan meñ us yaar kī ik shaan hai

hai dil-e-'ārif idhar bhī rāz-e-bahr-e-iztirāb

tha ruKH-e-raushan par us ke meri surat ka naqab

phaT gaya jab abr nikla jagmagata aaftab

wallah KHudi teri hai KHaibar ka bab

haidar ki tarah toD ki uTh jae hijab

har shai hai wahi us ke siwa kuchh bhi nahin

hai zat ke chehra pe ye surat ka naqab

phaT gaya jab abr nikla jagmagata aaftab

jis ko ghair-e-yar samjha tha wo 'ain-e-yar tha

gharq dariya-e-KHajalat hun main ho kar aab-ab

jinhen DhunDha kiye dair wa dil nashin dil nashin the wo

samajhte the jinhen hum dur-tar hum se qarin the wo

jahan ki KHak chhani 'ishq mein jin ke yahin the wo

hua ai faiz ma'lum ek muddat mein hamin the wo

japa karte the jin ke nam ki din-raat sumiran hum

jis ko ghair-e-yar samjha tha wo ’ain-e-yar tha

kufr-o-iman donon sadd-e-rah-e-wasl-e-yar hain

tu agar ye sad na toDega na hoga fath-e-bab

kufr-o-din har-do-hijab-e-ru-e-u

ta na bardari rawi ki su-e-u

tu agar ye sad na toDega na hoga fath-e-bab

rasai nist ta-sar-e-manzil-u kufr-o-iman ra

ki ka'ba dair sadd-e-rah buwad gabr-o-musalman ra

tu agar ye sad na toDega na hoga fath-e-bab

yaad teri dar haqiqat bhul hai ai marw-e-rah

bhulna bhi bhul jaega to hoga kaamyab

gum shudan dar gum shudan din-e-manast

tu dur-o-gum sho visal-e-inast-o-bas

gum shudan gum kun kamal-e-inast-o-bas

bhulna bhi bhul jaega to hoga kaamyab

ek buTa mere dil ka aasman-e-lala-zar

ek sura sara 'alam dil mera ummul-kitab

ye dil ne aisi kuchh pai hai wusat

ki jis ke aage past arsh barin hai

ek buTa mere dil ka aasman lala zar

agar az wus’at-e-man aagahi ya be-shawi hairan

ki 'alam dar haq-o-haq dar dil-o-dil dar man ai yaran

hai baDi wus'at meri main hun wo bahar-e-be-kanar

ek buTa mere dil ka aasman-e-lala-zar

ek sura sara 'alam dil mera ummul-kitab

’arsh tan hai chaar 'unsur hamilan-e-'arsh hain

ruhurrahman 'alal-’arshistawa ba-ab-o-tab

jab idhar har aan mein us yar ki ek shan hai

hai dil-e-'arif idhar bhi raaz-e-bahr-e-iztirab

us ki meri muwafiqat mushkil hai

taslim-o-raza ki manzilat mushkil hai

hai jis ka kamal kullu yaumin huwa fi shan

aise malik ki 'abadiyat mushkil hai

jab idhar har aan mein us yar ki ek shan hai

hai dil-e-'arif idhar bhi raaz-e-bahr-e-iztirab