zara si baat pe wo jag-hansaiyan de kar
zarā sī baat pe vo jag-hañsā.iyāñ de kar
chalā gayā mujhe kitnī judā.iyāñ de kar
chalo ki harf-e-tamannā usī ke naam kareñ
ki jis ne qaid kiyā hai rihā.iyāñ de kar
magar vahāñ to vahī ḳhāmoshī kā pahrā thā
maiñ aa gayā tere dar se duhā.iyāñ de kar
'ajīb shaḳhs ki vo mujh se bad-gumāñ hī rahā
ki jis ko paayā thā maiñ ne ḳhudā.iyāñ de kar
huuñ kitnā saada samajhtā thā bach rahūñgā safīr
ḳhayāl-e-yār ko sho'ala navā.iyāñ de kar
zara si baat pe wo jag-hansaiyan de kar
chala gaya mujhe kitni judaiyan de kar
chalo ki harf-e-tamanna usi ke nam karen
ki jis ne qaid kiya hai rihaiyan de kar
magar wahan to wahi KHamoshi ka pahra tha
main aa gaya tere dar se duhaiyan de kar
'ajib shaKHs ki wo mujh se bad-guman hi raha
ki jis ko paya tha main ne KHudaiyan de kar
hun kitna sada samajhta tha bach rahunga safir
KHayal-e-yar ko sho'ala nawaiyan de kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
