koi ajnabi-sa dayar tha yahi waqt hoga pahal gae

koī ajnabī-sā dayār thā yahī vaqt hogā pahal ga.e

sar-e-rah-guzar vo nazar milī to fazā meñ phuul bikhar ga.e

vo ruke to abr-e-ramā rukā vo chale to shāḳheñ lachak ga.iiñ

maiñ hujūm-e-rañg meñ kho gayā vo nazar se jaam utar ga.e

unheñ chāñdnī kā badan kahūñ ki sahar kī pahlī karan kahūñ

vo jigar jigar thī nigāh meñ ki sitāre dil meñ utar ga.e

tere rañg ruup kī dhuup se merī aarzū kī kamal khile

mujhe zindagī kī lagan milī merī giit aur nikhar ga.e

koi ajnabi-sa dayar tha yahi waqt hoga pahal gae

sar-e-rah-guzar wo nazar mili to faza mein phul bikhar gae

wo ruke to abr-e-rama ruka wo chale to shaKHen lachak gain

main hujum-e-rang mein kho gaya wo nazar se jam utar gae

unhen chandni ka badan kahun ki sahar ki pahli karan kahun

wo jigar jigar thi nigah mein ki sitare dil mein utar gae

tere rang rup ki dhup se meri aarzu ki kamal khile

mujhe zindagi ki lagan mili meri git aur nikhar gae