مجھے غم زدہ دیکھ کر وہ یہ بولے

مجھے غم زدہ دیکھ کر وہ یہ بولے

ہمارا ہے تو بے سہارا نہیں ہے

ہو رسوائی میری میری آنکھ نم ہو

میرے یار کو یہ گوارا نہیں ہے

تمہیں واسطہ ابن مولا علی کا

خدارا مری التجا سن لو آقا

نہ کرنا جدا اپنے قدموں سے مجھ کو

مرا اور کہیں بھی گزارا نہیں ہے

سگ در تمہارا ہو کس در پہ جاؤں

کہاں جا کے میں حال اپنا سناؤں

علاوہ وہ تمہارے کسی در پہ میں نے

کبھی اپنا دامن پسارے نہیں ہے

بھرم میرا رکھا ہے تم نے یہاں پر

مری لاج رکھ لیجے آقا وہاں پر

تمہیں میرے ماویٰ ہو ملجا تمہیں ہو

مرا اور کوئی سہارا نہیں ہے

یقیناً تمہیں وصل محبوب ہوگا

مگر جذبۂ عشق میں کچھ کمی ہے

فرازؔ امتحاں اور دینے پڑیں گے

ابھی اس نظر کا اشارہ نہیں ہے