kitna dil-soz wo manzar wo nazara hoga

kitnā dil-soz vo manzar vo nazāra hogā

jab masīhā ne marīzoñ ko pukārā hogā

tum ne jab zulf-e-pareshāñ ko sañvārā hogā

sadqa-e-husn ghaTāoñ ne utārā hogā

sañg-dil tere bhī aañsū nikal aa.e hoñge

Dūbne vaale ne jab tujh ko pukārā hogā

haath phailā.ūñ jo maiñ ġhair kī chaukhaT pe kabhī

mere sarkār ko ye kaise gavārā hogā

bas 'alī fātima hasnain mohammad ke sivā

ḳhuld meñ aur bhalā kis kā ijāra hogā

kitna dil-soz wo manzar wo nazara hoga

jab masiha ne marizon ko pukara hoga

tum ne jab zulf-e-pareshan ko sanwara hoga

sadqa-e-husn ghaTaon ne utara hoga

sang-dil tere bhi aansu nikal aae honge

Dubne wale ne jab tujh ko pukara hoga

hath phailaun jo main ghair ki chaukhaT pe kabhi

mere sarkar ko ye kaise gawara hoga

bas 'ali fatima hasnain mohammad ke siwa

KHuld mein aur bhala kis ka ijara hoga