jab dil hi nahin qabu mein to kya meri KHata hai ye shan KHuda hai

jab dil hī nahīñ qaabū meñ to kyā merī ḳhatā hai ye shaan ḳhudā hai

sach hai jo mohabbat ko kisī ne ye kahā hai aafat hai balā hai

vāqif haiñ butoñ se hameñ sab haal hai mā'lūm ki jitne haiñ mā'shūq

un ke vo karishme haiñ ki rag-rag meñ daġhā hai kab un se vafā hai

rūThoge agar tum to mnāleñge tumheñ ham is kā to nahīñ ġham

ye chheḌnā mā'shūq kā 'āshiq kā ravā hai us meñ hī mazā hai

āzār-e-mohabbat se to allāh hī bachā.e ye ġham na dikhā.e

ye dard vo hai jis kī nahīñ koī davā hai be-kār du'ā hai

'shaidā' ko lage kosne andāz to dekho kuchh ġhaur karo to

marnā hai to marne ke sivā kaun jiyā hai ākHir ko fanā hai

jab dil hi nahin qabu mein to kya meri KHata hai ye shan KHuda hai

sach hai jo mohabbat ko kisi ne ye kaha hai aafat hai bala hai

waqif hain buton se hamein sab haal hai ma'lum ki jitne hain ma'shuq

un ke wo karishme hain ki rag-rag mein dagha hai kab un se wafa hai

ruThoge agar tum to mnalenge tumhein hum is ka to nahin gham

ye chheDna ma'shuq ka 'ashiq ka rawa hai us mein hi maza hai

aazar-e-mohabbat se to allah hi bachae ye gham na dikhae

ye dard wo hai jis ki nahin koi dawa hai be-kar du'a hai

'shaida' ko lage kosne andaz to dekho kuchh ghaur karo to

marna hai to marne ke siwa kaun jiya hai aakHir ko fana hai