جب دل ہی نہیں قابو میں تو کیا میری خطا ہے یہ شان خدا ہے

جب دل ہی نہیں قابو میں تو کیا میری خطا ہے یہ شان خدا ہے

سچ ہے جو محبت کو کسی نے یہ کہا ہے آفت ہے بلا ہے

واقف ہیں بتوں سے ہمیں سب حال ہے معلوم کہ جتنے ہیں معشوق

ان کے وہ کرشمے ہیں کہ رگ رگ میں دغا ہے کب ان سے وفا ہے

روٹھو گے اگر تم تو منالیں گے تمہیں ہم اس کا تو نہیں غم

یہ چھیڑنا معشوق کا عاشق کا روا ہے اس میں ہی مزا ہے

آزار محبت سے تو اللہ ہی بچائے یہ غم نہ دکھائے

یہ درد وہ ہے جس کی نہیں کوئی دوا ہے بیکار دعا ہے

شیداؔ کو لگے کوسنے انداز تو دیکھو کچھ غور کرو تو

مرنا ہے تو مرنے کے سوا کون جیا ہے آخر کو فنا ہے