koi aashiq giraftar-e-ishq mein paDa hoga

koī 'āshiq giraftār-e-'ishq meñ paḌā hogā

to 'izrā.īl ke aane se vo pahle hī marā hogā

kahā haq ne tu kar sajda to majnūñ ne kahā haq se

mirā sajda hai lailā ko to kyā is se baḌā hogā

agar sūrat tu lailā kī ḳhudā-yā ban ke aa jaa.e

badan se sar judā kar ke tire aage dharā hogā

nahīñ ḳhvāhish hai jannat kī faqat ḳhvāhish hai lailā kī

merī lailā milā de to tirā ehsāñ baḌā hogā

pata un 'āshiqoñ kā maiñ batātā huuñ tumheñ sāheb

galī mā'shūq kī hogī vahīñ 'āshiq paḌā hogā

koi 'ashiq giraftar-e-'ishq mein paDa hoga

to 'izrail ke aane se wo pahle hi mara hoga

kaha haq ne tu kar sajda to majnun ne kaha haq se

mera sajda hai laila ko to kya is se baDa hoga

agar surat tu laila ki KHuda-ya ban ke aa jae

badan se sar juda kar ke tere aage dhara hoga

nahin KHwahish hai jannat ki faqat KHwahish hai laila ki

meri laila mila de to tera ehsan baDa hoga

pata un 'ashiqon ka main batata hun tumhein saheb

gali ma'shuq ki hogi wahin 'ashiq paDa hoga