talib-e-wasl-e-yar hun shauq-e-jigar ko kya karun

tālib-e-vasl-e-yār huuñ shauq-e-jigar ko kyā karūñ

hijr se be-qarār huuñ sūd-o-zarar ko kyā karūñ

mahv-e-jamāl hai koī mahv-e-ḳhayāl hai koī

maiñ huuñ tumhīñ ko dekhtā shauq-e-nazar ko kyā karūñ

fikr hai rāt-din yahī rāh-e-'adam kī hai kaThin

bār-e-gunāh sar pe hai zād-e-safar ko kyā karūñ

hijr se dil hai pur-laqab shab kī añdherī hai ġhazab

'āshiq huuñ zulf-o-ruḳh kā maiñ shām-o-sahar ko kyā karūñ

marham-e-vasl-e-dilrubā lā.ūñ kahāñ se ai ḳhudā

chāra-garī se tañg huuñ zaḳhm-e-jigar ko kyā karūñ

talib-e-wasl-e-yar hun shauq-e-jigar ko kya karun

hijr se be-qarar hun sud-o-zarar ko kya karun

mahw-e-jamal hai koi mahw-e-KHayal hai koi

main hun tumhin ko dekhta shauq-e-nazar ko kya karun

fikr hai raat-din yahi rah-e-'adam ki hai kaThin

bar-e-gunah sar pe hai zad-e-safar ko kya karun

hijr se dil hai pur-laqab shab ki andheri hai ghazab

'ashiq hun zulf-o-ruKH ka main sham-o-sahar ko kya karun

marham-e-wasl-e-dilruba laun kahan se ai KHuda

chaara-gari se tang hun zaKHm-e-jigar ko kya karun