maika suratiya lage tori pyari

maikā sūratiyā lage torī pyārī

na gul se kaam na bulbul se kaam hai mujh ko

hamesha vird-e-zabāñ terā naam hai mujh ko

terā hī tazkira bas sub.h-o-shām hai mujh ko

maikā sūratiyā lage torī pyaar

kuchh ab talak nahīñ mā'lūm dil kā haal tumheñ

hamārā dam nikaltā hai nahīñ ḳhayāl tumheñ

hogā koī zamāne meñ be-vafā tum sā

maikā sūratiyā lage torī pyārī

ḳhudā ke vāste kuchh muñh se bolo ab to zarā

tumhārī chup ne to goyā hameñ hai qatl kiyā

milāo aañkh na sharmāo jī barā-e-ḳhudā

maikā sūratiyā lage torī pyārī

tere sivā nahīñ kuchh aur mujh ko bhātā hai

tirā ḳhayāl mujhe har ghaḌī satātā hai

na shab ko sotā huuñ na chain din ko aatā hai

maikā sūratiyā lage torī pyārī

ḳhudā ke vāste mujh se tū kyuuñ nahīñ miltā

batā de maiñ ne tirā kaun sā qusūr kiyā

jo kuchh qusūr kyā ho to baḳhsh de lillāh

maikā sūratiyā lage torī pyārī

maika suratiya lage tori pyari

na gul se kaam na bulbul se kaam hai mujh ko

hamesha wird-e-zaban tera nam hai mujh ko

tera hi tazkira bas subh-o-sham hai mujh ko

maika suratiya lage tori pyar

kuchh ab talak nahin ma'lum dil ka haal tumhein

hamara dam nikalta hai nahin KHayal tumhein

hoga koi zamane mein be-wafa tum sa

maika suratiya lage tori pyari

KHuda ke waste kuchh munh se bolo ab to zara

tumhaari chup ne to goya hamein hai qatl kiya

milao aankh na sharmao ji bara-e-KHuda

maika suratiya lage tori pyari

tere siwa nahin kuchh aur mujh ko bhata hai

tera KHayal mujhe har ghaDi satata hai

na shab ko sota hun na chain din ko aata hai

maika suratiya lage tori pyari

KHuda ke waste mujh se tu kyun nahin milta

bata de main ne tera kaun sa qusur kiya

jo kuchh qusur kya ho to baKHsh de lillah

maika suratiya lage tori pyari