میکا صورتیا لگے توری پیاری

میکا صورتیا لگے توری پیاری

نہ گل سے کام نہ بلبل سے کام ہے مجھ کو

ہمیشہ ورد زباں تیرا نام ہے مجھ کو

تیرا ہی تذکرہ بس صبح و شام ہے مجھ کو

میکا صورتیا لگے توری پیار

کچھ اب تلک نہیں معلوم دل کا حال تمہیں

ہمارا دم نکلتا ہے نہیں خیال تمہیں

ہوگا کوئی زمانے میں بے وفا تم سا

میکا صورتیا لگے توری پیاری

خدا کے واسطے کچھ منہ سے بولو اب تو ذرا

تمہاری چپ نے تو گویا ہمیں ہے قتل کیا

ملاؤ آنکھ نہ شرماؤ جی برائے خدا

میکا صورتیا لگے توری پیاری

تیرے سوا نہیں کچھ اور مجھ کو بھاتا ہے

ترا خیال مجھے ہر گھڑی ستاتا ہے

نہ شب کو سوتا ہوں نہ چین دن کو آتا ہے

میکا صورتیا لگے توری پیاری

خدا کے واسطے مجھ سے تو کیوں نہیں ملتا

بتا دے میں نے ترا کون سا قصور کیا

جو کچھ قصور کیا ہو تو بخش دے للہ

میکا صورتیا لگے توری پیاری