main mariz-e-ishq hun meri dawa parde mein ho
maiñ marīz-e-'ishq huuñ merī davā parde meñ ho
nā-murād-e-vasl huuñ merī davā parde meñ ho
dam jo nikle yā ilāhī mai-kade ke sāmne
haath meñ sāġhar rahe saaqī mirā parde meñ ho
maut gar aa.e ilāhī aa.e hijr-e-yār meñ
shor ho bāzār meñ fātiha parde meñ ho
kyā isī ko kahte haiñ rasm-e-mohabbat kah to do
Thokareñ khātā phirūñ tū bevafā parde meñ ho
husn terā to Dhal gayā lekin nazākat hai vahī
yā ilāhī merā un kā faisla parde meñ ho
main mariz-e-'ishq hun meri dawa parde mein ho
na-murad-e-wasl hun meri dawa parde mein ho
dam jo nikle ya ilahi mai-kade ke samne
hath mein saghar rahe saqi mera parde mein ho
maut gar aae ilahi aae hijr-e-yar mein
shor ho bazar mein fatiha parde mein ho
kya isi ko kahte hain rasm-e-mohabbat kah to do
Thokaren khata phirun tu bewafa parde mein ho
husn tera to Dhal gaya lekin nazakat hai wahi
ya ilahi mera un ka faisla parde mein ho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
