kaun kahta hai nikalenge wo hasrat meri

kaun kahtā hai nikāleñge vo hasrat merī

na muravvat unheñ merī na mohabbat merī

kaash mil jaa.e kahīñ tesha-o-farhād mujhe

yuuñ to kaaTe nahīñ kaTtī shab-e-furqat merī

sej hai ehsān kā bhī bojh bahut hotā hai

chaar phūloñ se dabī jaatī hai turbat merī

lutf hī lutf hai talvār uThā le qātil

terī shohrat huī jaatī hai shahādat merī

tum jafā mujh pe karo zulm karo qatl karo

maiñ yahī muñh se kahe jā.ūñgā qismat merī

jaate jaate yahī kar ga.e tākīd 'shafī'

dil meñ rahegā hifāzat se mohabbat merī

kaun kahta hai nikalenge wo hasrat meri

na murawwat unhen meri na mohabbat meri

kash mil jae kahin tesha-o-farhad mujhe

yun to kaTe nahin kaTti shab-e-furqat meri

sej hai ehsan ka bhi bojh bahut hota hai

chaar phulon se dabi jati hai turbat meri

lutf hi lutf hai talwar uTha le qatil

teri shohrat hui jati hai shahadat meri

tum jafa mujh pe karo zulm karo qatl karo

main yahi munh se kahe jaunga qismat meri

jate jate yahi kar gae takid 'shafi'

dil mein rahega hifazat se mohabbat meri