piya se sandesa mora kahiyo jae re

piyā se sandesā morā kahiyo jaa.e re

kaagā jaare piyā se sandesā morā kahiyo jaa.e

kaagā nain nikās duuñ so pī ke paas le jaa.e

pahle daras dikhā.e ke pāchhe līn.ho khaa.e

piyā se sandesā morā kahiyo jaa.e re

kaagā sab tan khā.iyo chun-chun khā.iyo maas

do nainā mat khā.iyo mohe piyā milan kī aas

kaagā jaare piyā se sandesā morā kahiyo jaa.e

na thā mā'lūm ulfat meñ ki ġham khānā bhī hotā hai

jigar kī bekalī aur dil kā pachhtānā bhī hotā hai

sisaktā aah karatā ashk bhar laanā bhī hotā hai

taḌapnā lauTnā betāb ho jaanā bhī hotā hai

kiye par apne ko āḳhir pe dukh paanā bhī hotā hai

kaf-e-afsos ko mal-mal ke pachhtānā bhī hotā hai

jo maiñ aisā jāntī ki piit kiye dukh hue

nagar DhūñDhā rā phertī ki piit kare nā koy

piyā se sandesā morā kahiyo jaa.e re

kabhī ho garebāñ chaak sahrā ko nikaltā huuñ

kabhī ghabrā ke phir ghar kī taraf nā-chār phirtā huuñ

lagī hai aag dil meñ sham' sā jal kar pighaltā huuñ

dhuāñ uThtā hai aahoñ kā ba-rañg-e-mom jaltā huuñ

badan meñ dekh kar sho'le bhaḌakte haath maltā huuñ

phaphole tan se uThte haiñ battī kī tarh jaltā huuñ

birah kī aag tan meñ lagī jaran sab ghaat

naarī ‘jūdat’ bhed ke paḌe phapholā haat

piyā se sandesā morā kahiyo jaa.e re

piya se sandesa mora kahiyo jae re

kaga jare piya se sandesa mora kahiyo jae

kaga nain nikas dun so pi ke pas le jae

pahle daras dikhae ke pachhe linho khae

piya se sandesa mora kahiyo jae re

kaga sab tan khaiyo chun-chun khaiyo mas

do naina mat khaiyo mohe piya milan ki aas

kaga jare piya se sandesa mora kahiyo jae

na tha ma'lum ulfat mein ki gham khana bhi hota hai

jigar ki bekali aur dil ka pachhtana bhi hota hai

sisakta aah karata ashk bhar lana bhi hota hai

taDapna lauTna betab ho jaana bhi hota hai

kiye par apne ko aaKHir pe dukh pana bhi hota hai

kaf-e-afsos ko mal-mal ke pachhtana bhi hota hai

jo main aisa jaanti ki pit kiye dukh hue

nagar DhunDha ra pherti ki pit kare na koy

piya se sandesa mora kahiyo jae re

kabhi ho gareban chaak sahra ko nikalta hun

kabhi ghabra ke phir ghar ki taraf na-chaar phirta hun

lagi hai aag dil mein sham' sa jal kar pighalta hun

dhuan uThta hai aahon ka ba-rang-e-mom jalta hun

badan mein dekh kar sho'le bhaDakte hath malta hun

phaphole tan se uThte hain batti ki tarh jalta hun

birah ki aag tan mein lagi jaran sab ghat

nari ‘judat’ bhed ke paDe phaphola hat

piya se sandesa mora kahiyo jae re