hai said fana jo hadaf-e-tir nazar hai

hai said fanā jo hadaf-e-tīr nazar hai

chīro mire siine ko to dil hai na jigar hai

ulfat jise kahte haiñ vo āzār kā ghar hai

bas meñ hai na dil aur na qaabū meñ jigar hai

nashtar hai na bhālā hai na barchhī na tabar hai

dil meñ jo chubhī hai vo hasīnoñ kī nazar hai

suntā huuñ ki har vaqt nazāra hai usī kā

jo aage na pīchhe na idhar hai na udhar hai

sharm aatī hai kahte hue 'āshiq huuñ kisī kā

nāloñ meñ na tāsīr hai na aahoñ meñ asar hai

laġhzish jo huī hazrat-e-ādam se bashar ko

'aasī ko kyuuñ kaho vo bhī to bashar hai

hai said fana jo hadaf-e-tir nazar hai

chiro mere sine ko to dil hai na jigar hai

ulfat jise kahte hain wo aazar ka ghar hai

bas mein hai na dil aur na qabu mein jigar hai

nashtar hai na bhaala hai na barchhi na tabar hai

dil mein jo chubhi hai wo hasinon ki nazar hai

sunta hun ki har waqt nazara hai usi ka

jo aage na pichhe na idhar hai na udhar hai

sharm aati hai kahte hue 'ashiq hun kisi ka

nalon mein na tasir hai na aahon mein asar hai

laghzish jo hui hazrat-e-adam se bashar ko

'asi ko kyun kaho wo bhi to bashar hai