ho ek nazar idhar bhi o aan ban wale

ho ik nazar idhar bhī o aan baan vaale

ik tiir pheñktā jā bāñgī kamān vaale

maiñ ḳhat to tujh ko bhejūñ o āsmān vaale

lekin kahāñ kabūtar ūñchī uḌaan vaale

kā'be meñ tujh ko DhūñDūñ yā but-kada ke andar

kuchh to nishāñ batā de o be-nishān vaale

maiñ kis se jā ke pūchhūñ tahqīq-e-hāl terā

chup haiñ yaqīn vaale gum haiñ gumān vaale

ik merī hī du'ā par kyā paḌ ga.e haiñ patthar

tū sab kī sun rahā hai o āsmān vaale

kā'be ke jaane vaale kā'ba ko jā rahe haiñ

tū hī idhar ko aa jā kā'ba banāne vaale

ho ek nazar idhar bhi o aan ban wale

ek tir phenkta ja bangi kaman wale

main KHat to tujh ko bhejun o aasman wale

lekin kahan kabutar unchi uDan wale

ka'be mein tujh ko DhunDun ya but-kada ke andar

kuchh to nishan bata de o be-nishan wale

main kis se ja ke puchhun tahqiq-e-haal tera

chup hain yaqin wale gum hain guman wale

ek meri hi du'a par kya paD gae hain patthar

tu sab ki sun raha hai o aasman wale

ka'be ke jaane wale ka'ba ko ja rahe hain

tu hi idhar ko aa ja ka'ba banane wale