jo wo mudda’i se KHafa ho raha hai

jo vo mudda’ī se ḳhafā ho rahā hai

to dil kā mire mudda'ā ho rahā hai

sub.h-e-vasl-e-mahshar bapā ho rahā hai

mirā mujh se dilbar judā ho rahā hai

merī jaañ shab-e-vasl 'āshiq ke haq meñ

tirā kosnā bhī du'ā ho rahā hai

shab-e-vasl chheḌā to sharmā ke bole

baḌā aaj tū be-hayā ho rahā hai

shab hijr bezār ho zindagī se

mirā dil bhī mujh se ḳhafā ho rahā hai

janāze pe mere jo logoñ ko dekhā

to ghabrā ke pūchhā ye kyā ho rahā hai

merī laash pe aa ke ġhairoñ se bole

ye hai kaun aur is ko kyā ho rahā hai

maraz-e-'ishq baḌh gayā hai tabībo

mirā dard ab lā-davā ho gayā hai

rasā.ī darbār tak ho to kyuuñ kar

muqaddar hī jab nā-rasā ho rahā hai

shab-e-ġham meñ hamdam nahīñ koī shaidā

mirā dil hī mujh se ḳhafā ho rahā hai

jo wo mudda’i se KHafa ho raha hai

to dil ka mere mudda'a ho raha hai

subh-e-wasl-e-mahshar bapa ho raha hai

mera mujh se dilbar juda ho raha hai

meri jaan shab-e-wasl 'ashiq ke haq mein

tera kosna bhi du'a ho raha hai

shab-e-wasl chheDa to sharma ke bole

baDa aaj tu be-haya ho raha hai

shab hijr bezar ho zindagi se

mera dil bhi mujh se KHafa ho raha hai

janaze pe mere jo logon ko dekha

to ghabra ke puchha ye kya ho raha hai

meri lash pe aa ke ghairon se bole

ye hai kaun aur is ko kya ho raha hai

maraz-e-'ishq baDh gaya hai tabibo

mera dard ab la-dawa ho gaya hai

rasai darbar tak ho to kyun kar

muqaddar hi jab na-rasa ho raha hai

shab-e-gham mein hamdam nahin koi shaida

mera dil hi mujh se KHafa ho raha hai