kyun dil-jalon ke lab par hamesha fughan na ho

kyuuñ dil-jaloñ ke lab par hamesha fuġhāñ na ho

mumkin nahīñ ki aag lage aur dhuāñ na ho

maiñ zab.h honā chāhūñ to vo inkār kareñ

vo qatl gar kareñ bhī to ḳhanjar ravāñ na ho

dhabba lage na teġh ko ḳhūnf-e-shahīd kā

yuuñ qatl kar ki tujh pe kisī kā gumāñ na ho

itnā shab-e-visāl meñ lāzim hai band-o-bast

tā hashr masjidoñ meñ sahar kī azaañ na ho

zāhid sharāb piine de masjid meñ baiTh kar

yā vo jagah batā de jahāñ par ḳhudā na ho

naam apnā zindagī meñ yahāñ tak

bā'd-e-fanā bhī qabr kā mutlaq nishāñ na ho

kyun dil-jalon ke lab par hamesha fughan na ho

mumkin nahin ki aag lage aur dhuan na ho

main zabh hona chahun to wo inkar karen

wo qatl gar karen bhi to KHanjar rawan na ho

dhabba lage na tegh ko KHunf-e-shahid ka

yun qatl kar ki tujh pe kisi ka guman na ho

itna shab-e-visal mein lazim hai band-o-bast

ta hashr masjidon mein sahar ki azan na ho

zahid sharab pine de masjid mein baiTh kar

ya wo jagah bata de jahan par KHuda na ho

nam apna zindagi mein yahan tak

ba'd-e-fana bhi qabr ka mutlaq nishan na ho