کیوں دل جلوں کے لب پر ہمیشہ فغاں نہ ہو

کیوں دل جلوں کے لب پر ہمیشہ فغاں نہ ہو

ممکن نہیں کہ آگ لگے اور دھواں نہ ہو

میں ذبح ہونا چاہوں تو وہ انکار کریں

وہ قتل گر کریں بھی تو خنجر رواں نہ ہو

دھبہ لگے نہ تیغ کو خون شہید کا

یوں قتل کر کہ تجھ پہ کسی کا گماں نہ ہو

اتنا شب وصال میں لازم ہے بند و بست

تا حشر مسجدوں میں سحر کی اذاں نہ ہو

زاہد شراب پینے دے مسجد میں بیٹھ کر

یا وہ جگہ بتا دے جہاں پر خدا نہ ہو

نام اپنا زندگی میں یہاں تک

بعد فنا بھی قبر کا مطلق نشاں نہ ہو