tarh-e-andaz ban kaun-o-makan tu hi tha

tarh-e-andāz ban kaun-o-makāñ tū hī thā

ḳhush-navā-e-harf-e-sākin fakāñ tū hī to thā

zamzama-e-sanj-e-navā-e-fadkHulū-hā kHāledīn

rañ-āmez chaman-zār-e-jināñ tū hī to thā

har gul-e-barg-e-shajar meñ rañg-o-bū ban kar basā

tū hī thā tū hī bahār-e-gulistāñ tū hī to thā

tauq-e-qumrī tū hī hai sarv-e-gulshan kī bahār

rañg-e-gul tū hī to thā bulbul kī fuġhāñ tū hī thā

mantar de kar tuur āñkhoñ kā baḌhānā tujhe

tuur par sūrat-kash barq-e-butāñ tū hī to thā

lailā-o-shīrīñ meñ gul-e-sham' meñ rakkhā jā kiyā

husn ban kar dil-fareb-e-’āshiqāñ tū hī to thā

nuuh kā juudī pe aur yūnus kā batan jot meñ

chaah meñ yūsuf kā yaaro mehrbāñ tū hī to thā

qum-bi-iznī aur anal-haq kahtī un kī kyā majāl

'shams' aur 'mansūr' ke muñh meñ zabāñ tū hī to thā

tarh-e-andaz ban kaun-o-makan tu hi tha

KHush-nawa-e-harf-e-sakin fakan tu hi to tha

zamzama-e-sanj-e-nawa-e-fadkHulu-ha kHaledin

ran-amez chaman-zar-e-jinan tu hi to tha

har gul-e-barg-e-shajar mein rang-o-bu ban kar basa

tu hi tha tu hi bahaar-e-gulistan tu hi to tha

tauq-e-qumri tu hi hai sarw-e-gulshan ki bahaar

rang-e-gul tu hi to tha bulbul ki fughan tu hi tha

mantar de kar tur aankhon ka baDhana tujhe

tur par surat-kash barq-e-butan tu hi to tha

laila-o-shirin mein gul-e-sham' mein rakkha ja kiya

husn ban kar dil-fareb-e-’ashiqan tu hi to tha

nuh ka judi pe aur yunus ka batan jot mein

chah mein yusuf ka yaro mehrban tu hi to tha

qum-bi-izni aur anal-haq kahti un ki kya majal

'shams' aur 'mansur' ke munh mein zaban tu hi to tha