dil lagi thi ki chal jaega jaega jadu apna

dil lagī thī ki chal jā.egā jā.egā jaadū apnā

na to dil yā rahā aur na banā tū apnā

pheñk deñge abhī chiir ke pahlū apnā

tujh pe qaabū nahīñ dil par to hai qaabū apnā

kah diyā nāma-bar se ho tum kis ḳhayāl meñ

kyā tum bhī phañs ga.e gesū ke jaal meñ

kyuuñ na liinī khabariyā hamārī re

asar meñ kis liye Duube hue fariyād karte haiñ

bhalā kab bhūlne vaale kise yaad karte haiñ

patiyā na karūñ patiyāñ likhūñ syāhī rahe bides

ban-ban phirūñ pukārtī bhar jogan kā bhes

milnā kisī kā ḳhvāb meñ ho yā ḳhayāl meñ

yā-rab magar asar ho mirī 'arz-e-hāl meñ

āo-āo nagariyā hamārī re

ġham-e-furqat meñ jiitā huuñ nasībe haar dete haiñ

tarāne bulbuloñ ke fasl-e-gul meñ ḳhaar dete haiñ

pī se papayyā re o piik milo patin.g

bhor bha.ī ho bhañvar kī reñ kañval kī sañg

māyūsiyāñ haiñ jab se ummīd-e-visāl meñ

aape meñ dil hai aur na ham apne haal meñ

piyā suulī sajariyā hamārī re

jhapaktī haiñ āñkheñ 'ajab hālat hamārī hai

bandī hai TikTikī dar se kisī kī intizārī hai

dekh paayo sansār se jiyarā bhayo uchāT

tarseñ añkhiyāñ mor yaañ takeñ tumhārī baaT

sau shak karoge ik jabr-e-intiqāl meñ

tum ḳhvāb meñ na aa.e kab aaoge ḳhayāl meñ

kaahī chhoḌī Dagriyā hamārī re

savāl-e-vasl kā rūThā huā jis vaqt mantā hai

kabhī shīrīñ kabhī shakar javāb-e-talḳh bantā hai

haath joḌe kāmanī bintī karat niDhāl

uTh matvārī bāñvarī gul bach bhyā Daal

kuchh kam nahīñ musabbih se tū bol chaal meñ

haañ ki ke jaan Daal savāl-e-visāl meñ

kabhī maano sa.variyā hamārī re

na vo naale na vo shevan na vo raunaq hai mātam kī

tabī'at aaj kuchh nā-sāz hai shāyad shab-e-ġham kī

tan man nain jivrā nikat nikat ghabrā.e

kaav ko thā das naar ho piiT piiT marā.e

dete haiñ jaañ 'ishq-e-ruḳh-e-maha-jamāl meñ

nuqsān jilau-gar hai hamāre kamāl meñ

yuuñ hī ujḌe nagariyā hamārī re

nahīñ mere ghar meñ ho kis kā guzar pahle

ajal aa.e ki aa.e aa sake aane kī ḳhabar pahle

nain more mad-bharī gaurī morī gaat

joban berī phaTā paḌe kañTh na pūchhe baat

dam hai na hāl-e-bulbul shorīda-hāl meñ

kāñTe se paḌ ga.e haiñ zabān-e-savāl meñ

biitī jaa.e 'umariyā hamārī re

bahār aa.ī havā bhaa.ī uḌā gurda ruḳh-e-gul se

Tapaktā naala rañgīn hai phir minqār-e-bulbul se

horī khelo bālmā jāvat jī balihār

chhateñ gaurī taak ke bhar pichkārī maar

mil kar aḌe lahū mirā gard-e-malāl meñ

rañg-e-shahāb chāhiye kuchh-kuchh gulāl meñ

piyā rañg de chunariyā hamārī re

bajā hotā hai gar jiine se jī bezār hotā hai

qazā kā sāmnā 'nāzim' firāq-e-yār hotā hai

parbhu bālam binā mogdhī na aavat chain

tan-man meñ pāpan tajūñ taḌap taḌpe rain

dil kā kañval bujhā na talāsh-e-muhāl meñ

mumkin nahīñ visāl ummīd-e-visāl meñ

kaise hogī basariyā hamārī re

dil lagi thi ki chal jaega jaega jadu apna

na to dil ya raha aur na bana tu apna

phenk denge abhi chir ke pahlu apna

tujh pe qabu nahin dil par to hai qabu apna

kah diya nama-bar se ho tum kis KHayal mein

kya tum bhi phans gae gesu ke jal mein

kyun na lini khabariya hamari re

asar mein kis liye Dube hue fariyaad karte hain

bhala kab bhulne wale kise yaad karte hain

patiya na karun patiyan likhun syahi rahe bides

ban-ban phirun pukarti bhar jogan ka bhes

milna kisi ka KHwab mein ho ya KHayal mein

ya-rab magar asar ho meri 'arz-e-haal mein

aao-ao nagariya hamari re

gham-e-furqat mein jita hun nasibe haar dete hain

tarane bulbulon ke fasl-e-gul mein KHar dete hain

pi se papayya re o pik milo pating

bhor bhai ho bhanwar ki ren kanwal ki sang

mayusiyan hain jab se ummid-e-visal mein

aape mein dil hai aur na hum apne haal mein

piya suli sajariya hamari re

jhapakti hain aankhen 'ajab haalat hamari hai

bandi hai TikTiki dar se kisi ki intizari hai

dekh payo sansar se jiyara bhayo uchaT

tarsen ankhiyan mor yan taken tumhaari baT

sau shak karoge ek jabr-e-intiqal mein

tum KHwab mein na aae kab aaoge KHayal mein

kahi chhoDi Dagriya hamari re

sawal-e-wasl ka ruTha hua jis waqt manta hai

kabhi shirin kabhi shakar jawab-e-talKH banta hai

hath joDe kaamani binti karat niDhaal

uTh matwari banwari gul bach bhya Dal

kuchh kam nahin musabbih se tu bol chaal mein

han ki ke jaan Dal sawal-e-visal mein

kabhi mano sawariya hamari re

na wo nale na wo shewan na wo raunaq hai matam ki

tabi'at aaj kuchh na-saz hai shayad shab-e-gham ki

tan man nain jiwra nikat nikat ghabrae

kaw ko tha das nar ho piT piT marae

dete hain jaan 'ishq-e-ruKH-e-maha-jamal mein

nuqsan jilau-gar hai hamare kamal mein

yun hi ujDe nagariya hamari re

nahin mere ghar mein ho kis ka guzar pahle

ajal aae ki aae aa sake aane ki KHabar pahle

nain more mad-bhari gauri mori gat

joban beri phaTa paDe kanTh na puchhe baat

dam hai na haal-e-bulbul shorida-haal mein

kanTe se paD gae hain zaban-e-sawal mein

biti jae 'umariya hamari re

bahaar aai hawa bhai uDa gurda ruKH-e-gul se

Tapakta nala rangin hai phir minqar-e-bulbul se

hori khelo baalma jawat ji balihaar

chhaten gauri tak ke bhar pichkari mar

mil kar aDe lahu mera gard-e-malal mein

rang-e-shahab chahiye kuchh-kuchh gulal mein

piya rang de chunariya hamari re

baja hota hai gar jine se ji bezar hota hai

qaza ka samna 'nazim' firaq-e-yar hota hai

parbhu baalam bina mogdhi na aawat chain

tan-man mein papan tajun taDap taDpe rain

dil ka kanwal bujha na talash-e-muhaal mein

mumkin nahin visal ummid-e-visal mein

kaise hogi basariya hamari re