dua ye mangne ya-rab tere darbar mein aae

du'ā ye māñgne yā-rab tire darbār meñ aa.e

ḳhizāñ tā-hashr yā-rab na husn-e-yār meñ aa.e

ḳharīdār apne yūsuf ke liye ā.īna-e-dil ko

liye hāthoñ meñ ham bhī husn ke bāzār meñ aa.e

bahut hī saḳht jaañ hūñgā jise zab.h kiyā qātil

kalā.ī meñ zarab dāñte tirī talvār meñ aa.e

vafā ho yā jafā ho vasl ho yā shab-e-judā.ī ho

hameñ manzūr hai jo kuchh mizāj-e-yār meñ aa.e

hamārā maraz sab kāfūr ho jā.egā yaaro

kHayāl-e-yār-e-jānāñ ab dil-e-bīmār meñ aa.e

'adū ke baiTh kar pahlū meñ mujh se pūchhte kyā ho

kaho shauqīn kaise aaj bazm-e-yār meñ aa.e

du'a ye mangne ya-rab tere darbar mein aae

KHizan ta-hashr ya-rab na husn-e-yar mein aae

KHaridar apne yusuf ke liye aaina-e-dil ko

liye hathon mein hum bhi husn ke bazar mein aae

bahut hi saKHt jaan hunga jise zabh kiya qatil

kalai mein zarab dante teri talwar mein aae

wafa ho ya jafa ho wasl ho ya shab-e-judai ho

hamein manzur hai jo kuchh mizaj-e-yar mein aae

hamara maraz sab kafur ho jaega yaro

kHayal-e-yar-e-jaanan ab dil-e-bimar mein aae

'adu ke baiTh kar pahlu mein mujh se puchhte kya ho

kaho shauqin kaise aaj bazm-e-yar mein aae