khil jata hai kyun ghuncha-sifat dil tah-e-KHanjar

khil jaatā hai kyuuñ ġhuncha-sifat dil tah-e-ḳhanjar

TuuTe haiñ maze diid ke qātil tah-e-ḳhanjar

jiine kā mazā aa gayā marne meñ sitam-gar

jab siina pe baiThā to mire qatl ko hañs kar

thā jalva-numā.ish nazar rū-e-munavvar

maqsad mire dil kā huā hāsil tah-e-ḳhanjar

kuchh tujh ko ḳhabar bhī hai ki tū garm ġhazab thā

taḌpā na zarā sūrat-e-bismil tah-e-ḳhanjar

qātil kī sabhī ḳhatm huiiñ mujh pe jafā.eñ

maiñ samjhā jafāoñ ko sitam kī haiñ adā.eñ

mauqa' jo milā ḳhuub liiñ qātil kī balā.eñ

maiñ kaam se apne na thā ġhāfil tah-e-ḳhanjar

dil dard se jab tañg thā āñkhoñ meñ bhī nam thā

dam tan meñ na thā kahiye ki har vaqt kā ġham thā

taqdīr meñ likkhā huā sar honā qalam thā

āsāñ huī sabr kī mushkil tah-e-ḳhanjar

khil jata hai kyun ghuncha-sifat dil tah-e-KHanjar

TuTe hain maze did ke qatil tah-e-KHanjar

jine ka maza aa gaya marne mein sitam-gar

jab sina pe baiTha to mere qatl ko hans kar

tha jalwa-numaish nazar ru-e-munawwar

maqsad mere dil ka hua hasil tah-e-KHanjar

kuchh tujh ko KHabar bhi hai ki tu garm ghazab tha

taDpa na zara surat-e-bismil tah-e-KHanjar

qatil ki sabhi KHatm huin mujh pe jafaen

main samjha jafaon ko sitam ki hain adaen

mauqa' jo mila KHub lin qatil ki balaen

main kaam se apne na tha ghafil tah-e-KHanjar

dil dard se jab tang tha aankhon mein bhi nam tha

dam tan mein na tha kahiye ki har waqt ka gham tha

taqdir mein likkha hua sar hona qalam tha

aasan hui sabr ki mushkil tah-e-KHanjar