chal jae jo tir nigah-e-naz udhar se
chal jaa.e jo tiir nigah-e-nāz udhar se
tahsīn kī madad aa.e lab-e-zaḳhm-e-jigar se
bismil hī mujhe chhoḌ na ai qātil-e-’ālam
ek baar to phir dekh le duzdīda nazar se
lau shama' se parvāna jo lipTe sar-e-mahfil
sharmā ga.ī muñh Dhāñp ke dāmān-e-sahar se
sunñā ho agar aap ko afsāna-e-ulfat
sun liije mirā haal lab-e-zaḳhm-e-jigar se
ḳhurshīd-e-qayāmat meñ bhī ik hashr bapā ho
vo shoḳh agar dekh le duzdīda nazar se
chal jae jo tir nigah-e-naz udhar se
tahsin ki madad aae lab-e-zaKHm-e-jigar se
bismil hi mujhe chhoD na ai qatil-e-’alam
ek bar to phir dekh le duzdida nazar se
lau shama' se parwana jo lipTe sar-e-mahfil
sharma gai munh Dhanp ke daman-e-sahar se
sunna ho agar aap ko afsana-e-ulfat
sun lije mera haal lab-e-zaKHm-e-jigar se
KHurshid-e-qayamat mein bhi ek hashr bapa ho
wo shoKH agar dekh le duzdida nazar se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
