phire zamane mein chaar jaanib nigar yakta tumhin ko dekha

phire zamāne meñ chaar jānib nigār yaktā tumhīñ ko dekhā

hasīn dekhā jamīl dekhā va-lek tum sā tumhīñ ko dekhā

agarche is gulshan-e-jahāñ meñ hazāroñ gul haiñ ba-rañg-e-dīgar

vale ba-kHushbū-e-rūh-parvar sadā mahaktā tumhīñ ko dekhā

falak haiñ mehr-o-māh raushan zamīñ pe haiñ shāhidān-e-pur-fan

magar ba-nāz-o-adā-e-shīrīñ 'azīz dil-hā tumhīñ ko dekhā

habīb-e-mahbūb-e-ḳhās-e-yazdāñ jamīl-e-maqbūl-e-faḳhr-e-ḳhūbāñ

vo jin ko kahte haiñ jān-e-jānāñ ḳhudā kā pyārā tumhīñ ko dekhā

zamīñ pe ajsām jin ke maftūñ falak pe ajrām jin ke shaidā

bashar is andāz is adā kā tumhīñ ko dekhā tumhīñ ko dekhā

phire zamane mein chaar jaanib nigar yakta tumhin ko dekha

hasin dekha jamil dekha wa-lek tum sa tumhin ko dekha

agarche is gulshan-e-jahan mein hazaron gul hain ba-rang-e-digar

wale ba-kHushbu-e-ruh-parwar sada mahakta tumhin ko dekha

falak hain mehr-o-mah raushan zamin pe hain shahidan-e-pur-fan

magar ba-naz-o-ada-e-shirin 'aziz dil-ha tumhin ko dekha

habib-e-mahbub-e-KHas-e-yazdan jamil-e-maqbul-e-faKHr-e-KHuban

wo jin ko kahte hain jaan-e-jaanan KHuda ka pyara tumhin ko dekha

zamin pe ajsam jin ke maftun falak pe ajram jin ke shaida

bashar is andaz is ada ka tumhin ko dekha tumhin ko dekha