diwana-e-pari hun na shaida hun hur ka

dīvāna-e-parī huuñ na shaidā huuñ huur kā

parvāna huuñ maiñ sham'-e-tajallī-e-tūr kā

jalva har ek zarre meñ hai tere nuur kā

fānūs-e-chashm parda banā sham'-e-tūr kā

rindān-e-bāda-kHvār se zāhid na bahs kar

dā'va hai ham ko un ke karam ke vufūr kā

thāme thame na roke se us ke taḌap kī

kyā kahiye haal apne dil-e-nā-subūr kā

karnā paḌā hai mujh ko qayāmat kā intizār

vā'da kī shab 'azāb hai roz-e-nushūr kā

allāh re terī banda-navāzī se duur kyā

jhuk jaa.e sar hamāre but-e-pur ġhurūr kā

be-parda un ke husn kī kis ko hai tāb-e-dīd

'shākir' muqir huuñ apnī nazar ke qusūr kā

diwana-e-pari hun na shaida hun hur ka

parwana hun main sham'-e-tajalli-e-tur ka

jalwa har ek zarre mein hai tere nur ka

fanus-e-chashm parda bana sham'-e-tur ka

rindan-e-baada-kHwar se zahid na bahs kar

da'wa hai hum ko un ke karam ke wufur ka

thame thame na roke se us ke taDap ki

kya kahiye haal apne dil-e-na-subur ka

karna paDa hai mujh ko qayamat ka intizar

wa'da ki shab 'azab hai roz-e-nushur ka

allah re teri banda-nawazi se dur kya

jhuk jae sar hamare but-e-pur ghurur ka

be-parda un ke husn ki kis ko hai tab-e-did

'shakir' muqir hun apni nazar ke qusur ka